“Roche” şirkəti, əczaçılıq şöbəsinin rəhbərinin 16 ildən sonra şirkətdən ayrılmaq qərarına gəldiyini açıqlayıb.
Roche-un verdiyi açıqlamada, Bill Anderson, “Roche”-un Genentech bölməsinin keçmiş rəhbəri, ilin sonunda “imkanlarını şirkətdən kənarda sınamaq” səbəbi ilə vəzifəsini tərk edəcəyi və yeni rəhbərin 2023-cü ilin martına qədər seçiləcəyi bildirilib.
“Andersonun şirkətin ən böyük biznes bölməsinin rəhbəri vəzifəsindən getməsi mart ayında qrupun baş direktor vəzifəsinə seçiləcək Tomas Şineker üçün idarəetmədə daha əsaslı dəyişikliklər deməkdir. O, Roche-un fəaliyyət istiqaməti olaraq, xərçəngə olan ənənəvi diqqətindən uzaqlaşmaq üçün uğurlu çoxillik diversifikasiya kampaniyasına rəhbərlik edən baş direktor Severin Şvanı əvəz edəcək.”- Reuters, qeyd edir.
Anderson 2006-cı ildə Kaliforniyada yerləşən Genentech şirkətinə immunologiya və oftalmologiya üzrə bölmənin baş vitse-prezidenti kimi qoşulmuş və daha sonra bio-onkologiya bölməsinə rəhbərlik etmişdir. O, 2019-cu ildən “Roche” şirkətinin Əczaçılıq biznesi bölməsinin baş direktorudur.
