Əczaçılıq müfəttişliyi şöbəsi
Şöbə mülkiyyət formasından asılı olmayaraq əczaçılıq müəssisələrinin fəaliyyətlərini Azərbaycan Respublikasının qanunvericiliyinə və müvafiq normativ-hüquqi sənədlərin tələblərinə uyğun aparmasına, həmçinin Azərbaycan Respublikasının ərazisində dövriyyədə olan dərman vasitələrinin təhlükəsizliyi və keyfiyyəti üzərində dövlət nəzarətini həyata keçirir.
Bunun üçün şöbə:
- Əczaçılıq müəssisələrində qanunvericiliyə uyğun olaraq plan üzrə (növbəti) və daxil olan şikayət, məlumat və müraciətlər əsasında plandankənar (növbədənkənar) yoxlamalar aparır (Yoxlamalar “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiəsi haqqında” 2 iyul 2013-cu il tarixli Azərbaycan Respublikası Qanununun və Azərbaycan Respublikası Prezidentinin 2011-ci il 15 fevral tarixli Fərmanı ilə təsdiq edilmiş “Sahibkarlıq sahəsində aparılan yoxlamaların vahid məlumat reyestrinin forması və aparılması qaydası haqqında Əsasnamə”nin tələblərinə uyğun olaraq keçirilir. Əczaçılıq müəssisəsi yoxlanarkən “Dərman vasitələri haqqında”, “Lisenziyalar və icazələr haqqında”, “Əhalinin sağlamlığının qorunması haqqında” Azərbaycan Respublikasının Qanunlarının və Səhiyyə Nazirliyinin Kollegiyasının “Əczaçılıq fəaliyyətini tənzimləyən bəzi normativ hüquqi aktların təsdiq edilməsi barədə” 11 yanvar 2018-cı il tarixli, 01 nömrəli Qərarı ilə təsdiqlənmiş Əlavələrin tələblərinin yerinə yetirilməsinə nəzarət edilir);
- Azərbaycan Respublikasının “Lisenziyalar və icazələr haqqında” 2016-cı il 15 mart tarixli 176-VQ nömrəli Qanununa əsasən aidiyyəti üzrə rəyin bildirilməsi üçün İqatisadiyyat Nazirliyindən Səhiyyə Nazirliyinə daxil olan müraciətlər əsasında əczaçılıq müəssisələrinin normativ-hüquqi aktlarin tələblərinə uyğunluğunu qiymətləndirir;
- Tərkibində Azərbaycan Respublikasının ərazisində dövriyyəsi məhdudlaşdırılan narkotik vasitələr, psixotrop maddələr, Azərbaycan Respublikasının ərazisində dövriyyəsinə nəzarət edilən psixotrop maddələr, narkotik vasitələrə və psixotrop maddələrə aid olmayan güclü təsir edən və ya zəhərli maddələr saxlayan dərman vasitələrinin dövriyyəsinə Daxili İşlər Nazirliyindən xüsusi icazə alınmasına rəyin verilməsində iştirak edir;
- Ölkədə istehsal olunan və ölkəyə idxal olunan dərman vasitələrindən müvafiq laborator yoxlamalarının aparılması üçün nümunələr götürür;
- Azərbaycan Respublikası ərazisində dövriyyəsinə nəzarət edilən, məhdudlaşdırılmış və ya qadağan edilmiş narkotik vasitələrin, psixotrop maddələrin, habelə Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya tələb olunan tibbi məqsədlərlə istifadə üçün nəzərdə tutulmuş prekursorların, güclü təsir edən və zəhərli maddələrin dövriyyəsinə nəzarəti Azərbaycan Respublikası qanunvericiliyi ilə müəyyən olunmuş qaydada həyata keçirir.
