Əczaçılıq sahəsində milli tənzimləyici orqan kimi “Analitik Ekspertiza Mərkəzi” publik hüquqi şəxsi tərəfindən yerli və xarici dərman vasitəsi istehsalçılarının Etibarlı İstehsalat Təcrübəsinin (EİT) tələblərinə uyğunluğunun qiymətləndirilməsi üçün mütəmadi olaraq həyata keçirilən təftişlərin effektivliyinin daha da artırılması, bu sahədə mövcud qanunvericiliyin beynəlxalq standartlarla uyğunlaşdırılması, EİT təftişləri həyata keçirən işçi heyətin bilik və bacarıqlarının təkmilləşdirilməsi, həmçinin EİT sahəsində milli, regional və beynəlxaq qurumlar ilə əməkdaşlığın gücləndirilməsi məqsədi ilə PIC/S (Pharmaceutical Inspection Convention and Pharmaceutical Inspection Co-operation Scheme – Əczaçılıq təftişi konvensiyası və Əczaçılıq təftişi üzrə əməkdaşlıq sistemi) beynəlxalq təşkilatına üzv olmaq məqsədi ilə cari ilin avqust ayında müraciət olunmuş və üzvlük prosedurunun ilkin mərhələsinə (“Pre-applicant”) qəbul edilmişdir.
Məlumat üçün qeyd edək ki, sözügedən təşkilat Avropa Azad Ticarət Assosasiyası tərəfindən 1970-ci ildə, dünya ölkələrinin əczaçılıq sahəsində milli tənzimləyici orqanları arasında əməkdaşlığın qurulması məqsədi ilə yaradılmışdır və hazırda dünya üzrə ümumilikdə 53 üzvü mövcuddur.
