Pakistanın Azərbaycandakı səfiri AEM-də qonaq olmuşdur

Bu gün Pakistanı tam əminliklə Azərbaycanın Türkiyədən sonra dünyadakı ikinci əsas strateji müttəfiqi hesab etmək olar. İki ölkə arasında həm ikitərəfli, həm də çoxtərəfli intensiv münasibətlər mövcuddur. Bu xüsusda hər iki ölkənin əczaçılıq sahəsində də əməkdaşlığın gücləndirilməsi, inkişaf dinamikasının daha da artırılması prioritet istiqamətlərdəndir.
Bu tendensiyanı saxlamaq məqsədilə cari ilin iyul ayında Pakistan İslam Respublikasının fövqəladə və səlahiyyətli səfiri Bilal Hayee və Analitik Ekspertiza Mərkəzinin baş direktoru Murad Süleymanov arasında görüş baş tutmuşdur. Görüşdə respublikamızda əczaçılıq sahəsi üzrə əhəmiyyətli məsələlər müzakirə edilmiş, həmçinin cənab səfirin Mərkəzin səlahiyyətlərinə daxil olan fəaliyyətlərinə aid maraqlandığı suallar cavablandırılmışdır.
Görüş çox səmimi ortamda keçmiş, tərəflər hər iki ölkənin əczaçılıq sahəsində tənzimləyici qurumlar arasında əməkdaşlıq və anlaşma Memorandumunun imzalanması təklifi irəli sürmüş, Memorandumun layihəsi cənab səfirə təqdim olunmuşdur. AEM-in rəhbərliyi cənab səfirə, qardaş Pakistan dövləti ilə daim qanunlar və səlahiyyətlərimiz çərçivəsində əməkdaşlığa hazır olduqlarını bildirmişdir.
Görüşün sonunda xatirə şəkli çəkdirmişlər.