“Dərman vasitələrinin ekspertizasının aparılmasına dair Təlimat” təsdiq edildi

http://www.e-qanun.az/framework/45893
“Dərman vasitələrinin ekspertizasının aparılmasına dair” Təlimat (bundan sonra Təlimat) Azərbaycan Respublikası Nazirlər Kabinetinin 2019-cu il 25 dekabr tarixli 502 nömrəli Qərarı ilə təsdiq edilmiş “Dərman vasitələrinin ekspertizasının aparılması Qaydası”na (bundan sonra Qayda) uyğun olaraq hazırlanmışdır və dərman vasitələrinin ekspertizası zamanı qeydiyyat sənədlər toplusuna dair tələbləri müəyyən edir.
Dərman vasitələrinin qeydiyyat sənədlər toplusuna dair tələblər müəyyən edilərkən “Dərman vasitələri haqqında” Azərbaycan Respublikasının Qanunu, Azərbaycan Respublikasının digər qanunları, Azərbaycan Respublikası Prezidentinin fərmanları, Azərbaycan Respublikası Nazirlər Kabinetinin qərarları, bu Təlimat və Azərbaycan Respublikasının digər normativ hüquqi aktları rəhbər tutulur.
Bu Təlimat “Dərman vasitələrinin ekspertizasının aparılması Qaydası”nın 1.2-ci yarımbəndinə əsasən dərman maddələrinə, təsiredici maddələrə, substansiyalara (bundan sonra – aktiv əczaçılıq inqrediyentlərinə), hazır dərman vasitələrinə, qablaşdırılmamış dərman vasitələrinə, tibbi immunobioloji preparatlara şamil olunur.