Ukraynanın paytaxtı Kiyev şəhərində Ukrayna Səhiyyə Nazirliyinin, Ukrayna Tibb Elmləri Milli Akademiyasının, Ukrayna Səhiyyə Nazirliyinin Dövlət Ekspertiza Mərkəzinin təşkilatçılığı və beynəlxalq təşkilatların iştirakı ilə tibb elmləri doktoru, professor Oleksey Pavloviç Viktorovun xatirəsinə həsr olunmuş “Dərman vasitələrinin təhlükəsizliyi və qanuni tənzimlənməsi: ixtirasından tibbi istifadəsinə qədər” mövzusunda beşinci elmi-praktiki konfrans təşkil olunmuşdur. Konfransa Analitik Ekspertiza Mərkəzinin Farmakonəzarət şöbəsinin müdiri dəvət olunmuşdur.
Elmi-praktiki konfransda Ukrayna Səhiyyə Nazirliyinin, Ukrayna Səhiyyə Nazirliyinin Dövlət Ekspertiza Mərkəzinin, Ukrayna Səhiyyə Nazirliyinin İctimai Səhiyyə Mərkəzinin, Ukraynanın Dərman Vasitələri və Narkotik Vasitələrə Dövlət Nəzarət Xidmətinin rəsmiləri, Ukrayna tənzimləyici orqanlarının nümayəndələri və 6 MDB (Belarusiya, Moldova, Azərbaycan, Ermənistan, Özbəkistan, Qırğızıstan) ölkələsinin tənzimləyici orqanlarının nümayəndələri, ÜST-nin Avropa üzrə Regional Ofisinin nümayəndəsi, farmakonəzarət üzrə tədqiqatçılar, məruzəçilər və Böyük Britaniya, İsveçrə, Hollandiya, Almaniya və ABŞ-dan olan müxtəlif təşkilatların ekspertləri, o cümlədən Beynəlxalq Farmakonəzarət Cəmiyyətinin rəhbəri (ISOP), Tibb Elmləri Beynəlxalq Təşkilat Şurasının (CIOMS), Dərman vasitələri və Tibb məhsulları Tənzimləmə Agentliyinin (MHRA) nümayəndələri də iştirak etmişdirlər. Konfrans iştirakçılarının ümumi sayı 458 nəfər olmuşdur.
Konfrans 1 plenar iclas, 16 hissədən və 2 dəyirmi masa ətrafında keçirilmişdir. Burada Ukrayna və MDB məkanında farmakonəzarət sahəsində mövcud problemləri, immunoprofilaktikanın təhlükəsizliyi, bioekvivalentlik, dərman vasitələrinin monitorinqi və kritik tənzimləmə aspektləri vurğulanmışdır. Dərman vasitələrinin kliniki sınaqlarında və qeydiyyatdansonrakı dövrdə, elektron məlumatların istifadəsi də daxil olmaqla, klinik məlumatların idarəedilməsi zamanı dərmanların təkmilləşdirilməsi, risk və siqnal idarəetmə sistemlərinin problemləri müzakirə edilmişdir. Dərman vasitəsinin həyat tsiklində onun qeydiyyat sənədlər toplusuna baxılması məsələlərinə də yer verilmişdir. Dərman vasitələrinə əlçatanlığın təmin olunmasında formulyar sistemin rolu və zəruri dərman vasitələrinin milli siyahısı məsələləri də müzakirə olunmuşdur. Azərbaycan Respublikasının nümayəndəsinin “Farmakonəzarət sahəsində tərəflər arasında komunikasiyanı necə təkmilləşdirmək olar?” mövzusunda məruzəsi iştirakçılar tərəfindən dinlənilmişdir. Konfrans iştirakçılarına beynəlxalq sertifikat təqdim edilmişdir. ÜST-ün Uppsala Monitorinq Mərkəzinin əməkdaşı Nadya Yastrebovanın “VigiBase`in analizi” mövzusunda olan çıxışında Azərbaycan Respublikasının “OneFlow” beynəlxalq proqram təminatından MDB ölkələri arasında istifadə edən ilk ölkələrdən olması və 2019-cu ilin ÜST-ün Beynəlxalq dərman monitorinqi proqramının tələbinə uyğun olaraq göndərilən fərdi hadisə barədə təhlükəsizlik hesabatlarının sayına görə MDB ölkələri arasında 1-ci olması konfrans iştirakçılarına çatdırılmışdır.
