AEM və AQTA tərəfindən BFMQƏ-ə nəzarət gücləndirilir

Azərbaycan Respublikasının Dərmanlar haqqında qanununa əsasən BFMQƏ-nin ekspertizası Nazirlər Kabinetinin qərarına uyğun Səhiyyə Nazirliyi Analitik Ekspertiza Mərkəzi PHŞ tərəfindən aparılır. 13 noyabr 2017-ci il tarixli 1681 nömrəli “Azərbaycan Respublikasının Qida Təhlükəsizliyi Agentliyinin fəaliyyətinin təmin edilməsi haqqında” Azərbaycan Respublikasının Prezidentinin fərmanı ilə təsdiq edilmiş “Azərbaycan Respublikasının Qida Təhlükəsizliyi Agentliyi haqqında Əsasnamə”nin 3.0.33-20-ci yarımbəndinə əsasən bioloji fəallığa malik qida əlavələrinin idxalına, ixracına, istehsalına, satışına, dövriyyəsinə nəzarət etmək səlahiyyəti Azərbaycan Respublikasının Qida Təhlükəsizliyi Agentliyi tərəfindən həyata keçirilir.
Bu qərarları rəhbər tutaraq hər iki qurum BFMQƏ-in idxalı zamanı yaranmış problemlərin aradan qaldırırlması məqsədilə Azərbaycan Respublikası Nazirlər Kabinetinin 2018-ci il 10 iyul tarixli 287 nömrəli qərarı ilə təsdiq edilmiş bioloji Fəallığa malik qida əlavələrinin ekspertizadan keçirilməsi Qaydasının 3.18 bəndinə əsasən, (Ekspertiza rəyinin qüvvədə olduğu müddət ərzində ekspertizadan keçirilmiş BFMQƏ-yə dair ekspertizaya təqdim edilmiş sənədlərdə və məlumatlarda dəyişiklik baş verdikdə ərizəçi həmin BFMQƏ-nin bu Qayda ilə müəyyən edilmiş tələblərə uyğun olaraq yenidən ekspertizadan keçirilməsi üçün Nazirliyə müraciət etməlidir) yenidən ekspertizanın keçirilməsi üçün ərizəçi tərəfindən BFMQƏ-nin satış üçün nəzərdə tutulmuş formada nümunəsinin (3) təqdim olunmasını məqsədəmüvafiq hesab etmişdir. Buna səbəb ilkin rəy üçün təqdim olunmuş nümunələrin tərkibi ilə idxal olunan nümunələrin tərkibində fərqlərin aşkar olunmasıdır. Bunu əsas tutaraq, mövcud prosedur qaydalarının həyata keçirilməsi üçün müvafiq təlimatların hazırlanması nəzərdə tutulmuşdur.
İdxalçı şirkətlərin nümayəndələrinin (fiziki və hüquqi şəxslər) bu məsələ ilə əlaqədar rəy və təkliflərini təşkil olunacaq iclasda bildirmək imkanı olacaqdır.