8-17 iyun tarixlərində Hindistan Respublikasının S.A.S. Nagar (Mohali, Punjab) şəhərində yerləşən Milli Əczaçılıq Təhsili və Tədqiqat İnstitutunda İTEC (Indian Technical and Economic Cooperation) və Hindistanın Azərbaycan Respublikasındakı səfirliyinin təşkilatçılığı ilə “Recent Trends and Challenges in Regulation and Standardization of Herbal Drugs and Formulations” adlı təlim təşkil olunmuşdur. Təlimdə iştirak etmək üçün Analitik Ekspertiza Mərkəzinin mütəxəssisləri – Şükürov Çingiz, Yolçuyev Orxan və Vəlizadə Şəhla 8-17 iyun tarixlərində Hindistan Respublikasına ezam edilmişdir.
Təlimdə bitki tərkibli dərman vasitələrinin keyfiyyətinə nəzarət, müvafiq yerli və beynəlxalq qaydalara uyğun tənzimlənməsi və standartlaşdırılması sahəsində son tendensiyalar və problemlər haqqında mühazirələr dinlənilmişdir. Təlim həm nəzəri, həm də praktik olaraq təşkil olunmuşdur. Müasir analiz avadanlıqları ilə tanışlıq və həmin avadanlıqlarda analizlərin aparılması əyani olaraq, iştirakçılara göstərilmişdir. Təlimin proqramına əsasən iştirakçılar üçün yerli zavodların istehsal sahələrinə ekskursiyalar təşkil olunmuşdur. Sonda iştirakçılara təlimdə iştirak haqqında sertifikatlar təqdim edilmişdir.
