Bildiririk ki, “Dərman vasitələri haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 14 iyul tarixli 979-VIQD nömrəli Qanuna əsasən, I risk qrupuna aid tibb vasitələri istisna olmaqla, dövlət qeydiyyatına alınmadan tibb vasitələri idxal oluna bilməz.
Bununla əlaqədar olaraq, yaxın günlərdə tibb vasitələrinin qeydiyyat prosesinin başlanılması gözlənildiyinə görə, Səhiyyə Nazirliyi “Analitik Ekspertiza Mərkəzi” Publik Hüquqi Şəxsi tərəfindən tibb vasitələrinin idxalı (I risk sinfinə daxil olan tibb vasitələri istisna olmaqla) və tibb vasitəsi olub-olmaması ilə bağlı ekspertizası üçün sənəd qəbulu müvəqqəti dayandırılacaq.
Bu qayda qüvvəyə mindiyi (yəni təsdiq olunduğu vaxtdan) gündən etibarən şirkətlər tərəfindən təqdim olunmuş hesab faktura (invoice) və bank ödəmələrinin tarixləri həmin qaydanın təsdiqi tarixini keçməməlidir.
Misal: Qayda 20.06.2024 tarixində təsdiqlənibsə, hesab faktura və ya bank ödəmələri 19.06.2024 tarixində olunduğu təqdirdə, belə müraciətlər qəbul olunacaq.
Qüvvəyə minmiş sənədləri saytımızda yerləşdirilən linklərdən tanış ola bilərsiniz.
https://e-qanun.az/framework/56982 Tibb vasitələrinin risk dərəcəsindən asılı olaraq təsnifatı
https://e-qanun.az/framework/56983 Risk dərəcəsi daha yüksək, yüksək və (və ya) orta olan tibb vasitələrinin siyahısının təsdiq edilməsi barədə
Xahiş olunur, yeniliklərlə bağlı www.pharma.az rəsmi səhifəsini mütəmadi olaraq yoxlayasınız.
