Azərbaycan Respublikası Prezidentinin 22 iyul 2022-ci il tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda Səhiyyə Nazirliyinin icraçısı olduğu bəndlər üzrə tibb müəssisələrinin bilik və bacarıqlarının artırılması çərçivəsində 27 oktyabr 2023-cü il tarixində Analitik Ekspertiza Mərkəzində “Özəl tibb müəssisələrində hüquqi normativ aktların tərtibi”, “Özəl tibb müəssisələrində tibbi sənədlərin tərtibi, prosessə nəzarət”, “Tibbi statistik hesabatların tərtibi və təqdim olunması” mövzuları üzrə stasionar tibb xidməti göstərən özəl tibb müəssisələrinin əməkdaşları ilə növbəti təlim keçirilib.
Təlimdə tibbi sənədləşmənin mütləq olması, səhiyyənin idarəetməsində və əhalinin sağlamlığının qorunması üzrə fəaliyyətin təşkilinin planlaşdırılmasında vacib olması haqqında danışılıb. Həmçinin, tibbi sənədləşmənin əsas qrupları, məqsədi, əhəmiyyəti eləcə də hüquqi normativ aktların və statistik hesabatların tərtibi və ona nəzarətin təşkil olunması haqqında məlumat verilib.
