#MedSafetyWeek-Dərman təhlükəsizliyi həftəsinə start verildi – VIDEO

Ümumdünya Səhiyyə Təşkilatının Uppsala Monitorinq Mərkəzi (Uppsala Monitoring Centre) tərəfindən 2022-ci ilin 7-13 noyabr tarixi müddətində yeddi illik yubileyi qeyd edilən  #MedSafetyWeek,  yəni “Dərman təhlükəsizliyi həftəsi” elan edilmişdir. İnsanlar qlobal #MedSafetyWeek sosial media kampaniyasının bir hissəsi olaraq, dərman vasitələrinin əlavə təsirləri barədə məlumat verməyə təşviq olunurlar. Bu gün AEM tərəfindən də başladılan #MedSafetyWeek kompaniyası hər kəsi dərman vasitələrinin əlavə təsirləri barədə məlumat verməyə təşviq etmək üçün noyabrın 13-dək davam edəcək. AEM-ə göndərilən əlavə təsir haqqında hər bir bildiriş bütün pasiyentlər üçün dərman vasitələrinin təhlükəsizliyini yüksəltməyə kömək edir. Bu il qlobal kompaniya 81 ölkədən əczaçılıq sahəsinin tənzimləyici qurumlarını əhatə edir və əlavə təsirlər barədə məlumat verən və dərman vasitələrinin təhlükəsiz istifadəsinə töhfə verən hər bir tibb işçisi, pasiyent və baxıcının əsas roluna diqqət yetirir.
Bütün dərman vasitələri bəzi pasiyentlərdə əlavə təsirlərə səbəb ola bilər, buna görə də bazara çıxarıldıqdan sonra onların təhlükəsizliyinə davamlı olaraq nəzarət etmək üçün addımlar atılmalıdır. Təhlükəsizliyə nəzarətin məqsədi məlum əlavə təsirlər haqqında daha çox məlumat əldə etmək və yeni əlavə təsirləri aşkar etməkdir. Tənzimləyici qurumlar bu əlavə təsirləri aşkar etmək və təhlil etmək, eləcə də, gələcək pasiyentlərə zərərin qarşısını almaq üçün sistemlər tətbiq edir.
AEM tərəfindən idarə olunan onlayn bildirişlərin ötürülməsi üçün https://primaryreporting.who-umc.org/az linki əlavə təsirlərlə bağlı hesabatları toplayır, təşkil edir və araşdırır. Yarandığı gündən o, əvvəllər müəyyən bir dərman vasitəsi ilə əlaqəli olduğu aşkar olunmayan bir neçə təhlükəsizlik məsələsini, AEM-in məhz hesabatlardan məlumat aldıqdan sonra müəyyən etməyə kömək etmişdir.
Əlavə təsirlər barədə AEM-ə məlumat verməklə, siz meydana çıxan təhlükəsizlik məsələlərinin müəyyən edilməsində fəal iştirak edirsiniz ki, qurum lazım olduqda tədbir görə bilsin, sizi və başqalarını zərərdən qoruya bilsin. “Pasiyent, tibb işçisi və ya baxıcı tərəfindən verilən hər bir bildiriş kliniki istifadədə olan dərman vasitələrinin faydaları və risklərinə dair daha çox məlumat əldə etməkdə əsas rol oynayır və riskləri minimuma endirmək üçün tədbirlər görməyə imkan verir.
Hər kəs əlavə təsirlər barədə AEM-ə məlumat verə bilər. Əlavə təsirlər haqqında bildirişləri bir çox yolla təqdim edə bilərsiniz. #MedSafetyWeek-də əlavə təsirləri bildiriş kartları vasitəsi ilə, eləcə də linkdən keçid edib, onlayn bildirərək, dərman təhlükəsizliyinə dəstək olmaq hər birimizin borcudur.