Bütün digər dərman formaları kimi, tabletlər də, bədənə bioloji təsir göstərən aktiv təsiredici maddənin diqqətlə ölçülmüş dozasından və dərmana həcm verən köməkçi maddələrdən ibarətdir. Köməkçi maddələr yalnız dərmanı oksidləşmədən və məhv olmaqdan qoruyan rənglər, dadlandırıcılar və stabilizatorlar deyil, həm də dərmanın xassələrinə nəzarət etməyə imkan verən vasitələrdir. Çatdırılma vasitələri ya tabletin özünə, ya da kapsulun tərkibinə daxildir və ya onun örtüyünü təşkil edir. Onlar tabletin harada – mədədə və ya bağırsaqda və bunu hansı sürətdə həll olunacağını dəqiq müəyyənləşdirirlər. Müəyyən bir tablet və ya kapsulda istifadə edilən çatdırılma vasitəsi onun hissələrə bölünüb-bölünməməyə uyğun olmasını müəyyənləşdirir. Məsələn, ABŞ Qida və Dərman Agentliyi (FDA) dərman istehsal edən şirkətlərə xəstələr üçün köməkçi işarələr buraxmağı tövsiyə edir. FDA bölünə bilən tabletləri yarıya bölməyi asanlaşdırmaq üçün yastı və işarəli etməyi məsləhət görür. Bütün həbləri şərti olaraq iki qrupa bölmək olar: effektivliyini itirmədən bölünə bilənlər və bölünəndən sonra daha az təsirli və ya hətta təhlükəli olanlar. Bəzən onlar xarici görünüşü ilə fərqlənə bilər, ancaq buna arxayın olmaq tövsiyyə olunmur.
Səhv salmamaq üçün tabletin görünüşünə deyil, istifadə təlimatlarına diqqət yetirmək məntiqlidir. Farmakologiya üzrə mütəxəssislərin əksəriyyətinin araşdırmalarına əsasən, bölünməsini tövsiyə etmədiyi yalnız iki növ tablet və kapsul göstərilir.
- Enterik, yəni bağırsaqda həll olunan örtüklü tabletlər və kapsullar. Bu, tabletin mədədə həllinə mane olan bir örtükdür, buna görə də dərman yalnız bağırsaqlarda sorulur.
- Buraxılışı (azad olması) dəyişdirilmiş tabletlər. Bu o deməkdir ki, müxtəlif tabletlərdən olan aktiv maddə dərhal, uzadılmış müddətdə, yavaş-yavaş azad ola bilər.
Beləliklə, nə üçün hər tableti bölmək olmaz:
- Tablet lazımi miqdarda maddələri özündə birləşdirir və müəyyən bir dozaya malikdir. Əgər bu balans pozulursa, maddələrin qeyri-bərabər paylanması baş verəcək və effektivlik sıfıra enəcək;
- Dərman vasitəsini böldüyümüz zaman yalnız bir hissədən istifadə edirik, digərini isə növbəti dəfə qəbul edirik. Bu vəziyyətdə, həmin müddət ərzində ikinci yarı sadəcə günəş işığı, yüksək rütubət və ya digər amillərin təsiri altında öz xüsusiyyətlərini itirə bilər.
- İçərisində maye saxlayan xüsusi qoruyucu qatla örtülmüş dərmanlar və ya mədə şirəsinin fəaliyyətinə təsir göstərə bilən və ya mədə mukozasını poza bilən qarışıqlar var. Belə dərmanların yarıya bölünməsi yol verilməzdir.
