Avropada SafePolyMed-in yeni tədqiqat layihəsinə 5,6 milyon avro xərclənəcək. Almaniya, Estoniya, Finlandiya, Yunanıstan, Sloveniya və Hollandiyadan olan alimlər 3,5 il ərzində həkimlərin, əczaçıların və xəstələrin bir neçə dərmanı qəbul edərkən mənfi reaksiyaların riskini fərdi şəkildə qiymətləndirmək üçün istifadə edə biləcəkləri veb-əsaslı sistem hazırlamaq niyyətindədirlər.
Avropada SafePolyMed beynəlxalq tədqiqat layihəsinə start verilib. Aİ-nin Horizon Europe (2021-2027) tədqiqat və innovasiya proqramı çərçivəsində buna 5,6 milyon avrodan çox vəsait ayrılıb. Deutsche Apotheker Zeitung xəbər verir ki, layihənin məqsədi həkimlər, əczaçılar və xəstələr üçün süni intellekt texnologiyalarından istifadə edərək bir neçə dərman qəbul edərkən mənfi reaksiyaların riskini fərdi şəkildə qiymətləndirmək üçün xidmət yaratmaqdır.
Avropa Komissiyasının məlumatına görə, Avropada hər il təxminən 197 000 ölüm dərmandan yaranan mənfi reaksiyalar səbəbindən baş verir. Bu itkilərin qarşısının alınması yeni layihənin məqsədlərindən biridir. Riskləri qiymətləndirərkən yalnız müxtəlif dərmanların aktiv maddələrinin qarşılıqlı təsiri deyil, həm də xəstənin genetik xüsusiyyətləri nəzərə alınacaqdır.
Helsinki Universitetinin Finlandiya Molekulyar Tibb İnstitutunun professoru Samuli Ripatti deyir: “Layihənin əsas məqsədi, müalicəyə cavabı və müvafiq xəstə təbəqələşməsini daha yaxşı proqnozlaşdırmaq üçün dərmanın özəl cəhətləri ilə güclü genetik risk məlumatından istifadə edərək klinik qərarların qəbulunu təkmilləşdirməkdir”.
Dərmanların təhlükəsizliyi doza rejimi ilə sıx bağlıdır, ona görə də layihə iştirakçıları xəstənin fərdi xüsusiyyətlərini nəzərə alaraq dozanın tənzimlənməsi məsələsini ayrıca öyrənəcəklər. Bunun üçün onlar riyazi modelləşdirmədən istifadə etməyi planlaşdırırlar.
Son nəticə olaraq, SafePolyMed istifadəçi üçün rahat olan, klinik qərarları dəstəkləyəcək veb-əsaslı sisteminin prototipini təqdim edilməsi nəzərdə tutulur.
