20-22 avqust 2024-cü il tarixlərində Malaziyanın Kuala Lumpur şəhərində Əczaçılıq üzrə Əməkdaşlıq Sxeminin “İnsan qanı, toxumaları, Hüceyrələri və Təkmil Terapiya dərmanlarının istehsalçılarının yoxlanılmasında müasir yanaşmalar,mövcud tendensiyalar, təcrübə mübadiləsi”nə (27th PIC/S Expert Circle on Human Blood, Tissues, Cells & ATMPs) Inspection Approach, Current Trends and Experience Sharing”) həsr edilən ekspert toplantısı keçirilmişdir.
Toplantı Əczaçılıq üzrə Əməkdaşlıq Sxeminin təlimatlarına yenidən baxılması üzrə işçi qrupun fəaliyyəti ilə yaxından tanışlıq, qan, hüceyrə, insan toxuması və təkmil terapiya dərmanlarının istehsalçılarına dair tələblər, onların təftişinə dari müasir yanaşmalar və bu istiqamətdə aparılan yoxlamalara dair təcrübə mübadiləsinə həsr edilib.
Səhiyyə Nazirliyinin Analitik Ekspertiza Mərkəzini tədbirdə Baş direktor Murad Süleymanov, Baş direktorun müavini Rafiq Xudayev, eləcə də Keyfiyyəti idarəetmə şöbəsinin müdiri Şamil Aydəmirov təmsil edib.
Tədbirdə Əczaçılıq üzrə Əməkdaşlıq Sxeminin ekspertlərinin çıxışı, dərman və tibb vasitələrinin təftişi ilə əlaqədar nəşr ediləcək yeni sənədlər toplusunun ilkin təqdimatı keçirilmiş, İtaliya, İsveçrə, ABŞ, Avstriya, İndoneziya, Malaziya və digər ölkələrin qabaqcıl təcrübələrinə dair təqdimatlar dinlənilib. Bununla yanaşı, tədbirin ikinci günündə Nəzarətedici Qurumların Etibarlı İstehsalat Təcrübəsi üzrə əməkdaşlarına praktiki məşğələlər keçirilib.
Tədbirdə bir sıra vacib görüşlər keçirilib, Mərkəzin fəaliyyətinə dair Əczaçılıq üzrə Əməkdaşlıq Sxeminin ekspertlərinə ətraflı məlumat verilib.
