Avropa İttifaqının maliyyələşdirdiyi COVID-19 əleyhinə Vaksinasiyaya Dəstək layihəsi çərçivəsində ÜST ekspertlərinin İmmunizasiya üzrə İnformasiya Sisteminin qiymətləndirilməsi missiyası məqsədilə Azərbaycana səfəri davam edir. BMT-nin Uşaq Fondunun (UNİCEF) tərəfdaşlığı ilə həyata keçirilən missiya çərçivəsində ekspertlər mövcud sistemlə əyani tanış olmaq üçün bir sıra tibb müəssisələrini ziyarət edib. Missiyanın başlıca məqsədi ölkədə İmmunizasiya üzrə İnformasiya Sistemini qiymətləndirərək Azərbaycanın səhiyyə sisteminin rəqəmsallaşdırılmasına dəstək olmaqdır.
17.02.2023-cü il tarixində həmin nümayəndə heyəti Analitik Ekspertiza Mərkəzinin Farmokonəzarət şöbəsinə də baş çəkiblər. Şöbənin əməkdaşları AEM-in ÜST-ün Beynəlxalq Dərman Monitorinqi Proqramının tam hüquqlu üzvü olduğunu, proqram çərçivəsində əməkdaşlığını davam etdirərək, dərman vasitələrinin təhlükəsiz istifadəsinin təmin edilməsi məqsədilə əlavə təsirlərin və fayda-risk nisbətlərinin sistemli bir şəkildə izlənməsi, bu məqsədlə məlumatın toplanması, qeydiyyata alınması və qiymətləndirilməsi istiqamətində fəaliyyətinin hansı səviyyədə rəqəmsallaşması haqqında məlumat verdilər. Ekspertləri maraqlandıran suallar cavablandırılmış, onlayn portal və pharma.az saytı vasitəsi ilə pasiyentlər, pasiyent yaxınları və tibb işçiləri tərəfindən dərman vasitələri və vaksinlərin istifadəsi zamanı yaranan əlavə təsirlər barədə məlumatları daha rahat bir şəkildə ötürülməsinin mümkünlüyünü əyani şəkildə nümayiş etdirilmişdir. 
