Tayland Krallığının Bankok şəhərində, 2023-cü ilin dekabr ayında ÜST-nın Milli Bioloji Nəzarət Laboratoriyaları Şəbəkəsinin V müşavirəsi (Fifth General Meeting of the WHO-National Control Laboratory Network for Biologicals) keçirilib. Tədbirdə biofarmasevtik dərman vasitələrinin, xüsusilə vaksinlərin keyfiyyətinə nəzarət mexanizmləri, bu şəbəkəyə üzv ölkələrdə tətbiq edilən nəzarət üsulları haqqında aktual məsələlər gündəmə gətirilib. Vaksinlərin keyfiyyətinə nəzarət zamanı sınaqlarda, heyvanlardan az istifadə edilməsi üçün yeni instrumental analiz üsullarının hazırlanması və bu sahədə görülmüş işlər haqqında müxtəlif ölkələrin məruzələri dinlənilib. Tədbirin sonuncu günü qruplar şəklində müzakirələr aparılıb, sözügedən şəbəkənin (WHO-National Control Laboratory Network for Biologicals) işinin optimallaşdırılması və səmərəliliyinin artırılması üçün təkliflər təqdim edilib, suallar cavablandırılıb.
Müasir dövr üçün çox vacib olan tədbirdə respublikamızı Səhiyyə Nazirliyi Analitik Ekspertiza Mərkəzinin əməkdaşı Çingiz Şükürov təmsil edib.
