“Səhiyyə obyektlərində yanğın təhlükəsizliyinə əməl olunması qaydaları”na və “Tədbirlər planı”na əsasən Analitik Ekspertiza Mərkəzində bu sahədə müvafiq işlər təşkil olunur. Şöbələrdə yanğın təhlükəsizliyini təmin etmək məqsədi ilə “Təlimat” hazırlanmış və müntəzəm olaraq cavabdeh şəxslər tərəfindən işçilər arşında təlimat aparılır.
Bu xüsusda, nəzəri biliklərin daha da yaxşı mənimsənilməsi və əməkdaşların maarifləndirilməsi məqsədilə 24 yanvar 2025-ci ildə, Mərkəzin akt zalında “Yanğın təhlükəsizliyinə əməl olunması qaydaları” mövzusunda təlim təşkil olunub.
Təlimdə yanğının başlanma prinsipi, şəraiti, yanğının kateqoriyaları, yanğınsöndürmə balonlarının növləri, onlardan istifadə qaydaları, alovun yayılma yolları, müəssisənin yanğın planında yer alması vacib olan faktorlar, təxliyyə yolları, yanğının növündən asılı olaraq ona qarşı ilk mübarizə üsulları və s. kimi mühüm mövzular haqqında məlumat verilib.
Unutmayın! Yanğının baş verməsinin qarşısını almaq, baş verdikdən sonra qarşısını almaqdan daha asandır!
