Xocalı soyqırımı Azərbaycan tarixinə ən dəhşətli və faciəli səhifələrdən biri kimi daxil olmuşdur. Azərbaycanın ümummilli lideri Heydər Əliyev Xocalı soyqırmının on illiyiyi münasibətilə Azərbaycan xalqına müraciətində qeyd etmişdir: “Bu amansız və qəddar soyqırım aktı insanlıq tarixinə ən qorxulu kütləvi terror aktlarından biri kimi daxil oldu”.
Artıq Xocalı Faciəsindən 32 il keçir. Bu tarix Səhiyyə Nazirliyi Analitik Ekspertiza Mərkəzində də ehtiramla yad edildi. Fevral ayının 23-də əməkdaşlar Mərkəzin akt zalına toplaşıb, Xocalı faciəsində həlak olmuş insanların xatirəsi 1 dəqiqəlik sükütla yad edilib.
Əməkdaşların çıxışında Ali Baş Komandan Cənab İlham Əliyevin rəhbərliyi ilə rəşadətli Azərbaycan Ordusunun səyləri nəticəsində vətənimizin ərazi bütövlüyünün bərpasından, torpaqlarımızın işğaldan azad olunmasından sonra artıq Xocalı faciəsinin Qalib Xalq ruhunda yad edilməsi vurğulandı. Çıxışlardan sonra Xocalı faciəsini əks etdirən sənədli film nümayiş olunub.
Xalqımız bu faciəni heç vaxt unutmayacaq!!!
