“20 Yanvar faciəsi” kimi tanınan 1990-cı ilin 20 Yanvar hadisələri Azərbaycanın müasir tarixində xalqın milli şüurunda dərin iz qoymuş əsas tarixi hadisələrdən biri oldu. Bu faciəli hadisələr, azadlıq arzularının boğulmasına yönəlmiş vəhşilik olsa da, milli şüurun formalaşmasında, xalqın səfərbərliyində, Azərbaycanın müstəqilliyinin möhkəmlənməsində mühüm rol oynadı və bu gün qəhrəmanlıq səhifəsinə çevrildi.
Sonrakı proseslərə, o cümlədən 44 günlük müharibədə qələbəyə və Qarabağın ölkəyə qaytarılmasına da, bu faciənin təsiri olub. Bu hadisələr müstəqillik, ərazi bütövlüyü və milli kimlik uğrunda vahid mübarizə xətti ilə bağlı olan ölkənin müasir tarixinin əsas mərhələləridir.
Otuz il müddət ilə ayrılan hadisələr, müasir Azərbaycan xalqını formalaşdıran milli oyanış, möhkəmlənmə və qələbəni əks etdirir. 20 Yanvar – Azərbaycan xalqının rəşadət, qətiyyət və qəhrəmanlıq tarixidir.
Bu xüsusda, yanvarın 17-si Azərbaycan Respublikası Səhiyyə Nazirliyi Analitik Ekspertiza Mərkəzində, Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi daxil olmuş – 20 Yanvar faciəsi və həmin hadisədə müstəqilliyimiz uğrunda canlarından keçən Şəhidlər ehtiramla yad edilib. Bununla əlaqədar olaraq, Mərkəzin akt zalında toplaşan Analitik Ekspertiza Mərkəzinin əməkdaşları bir dəqiqəlik sükutla Şəhidlərin ruhunu yad etmiş, rəhmət diləmişlər. Daha sonra 20 Yanvar Azərbaycan tarixində təkcə faciə yox, Azərbaycanın istiqlal yolunun ilk zirvəsi, milli məfkurəmizin azadlıq istəyinin oyanış günü olduğunu, uzun illər sovet imperiyasının əsarətində yaşayan xalqın azadlıq səsini ucaltdığı, öz suverenliyi uğrunda cəsarət nümayiş etdirdiyi şərəfli bir tarix olduğunu əks etdirən sənədli filmə baxmışdılar.
Şəhidlərimizin ruhu şad olsun! Qürür ilə anırıq!
