Böyük Britaniyada və dünyada əczaçılıq sahəsində kifayət qədər tanınmış şirkətlərin nümayəndələrinin 11-16 may tarixində təşkil olunmuş 15-ci illik Əczaçılıq Konfransı çərçivəsində Bakıya səfəri baş tutub. Bu xüsusda, ölkəmizdə əczaçılıq sənayesinin inkişaf etdirilməsinin əhəmiyyəti nəzərə alınaraq, sözügedən Konfransda Səhiyyə Nazirliyinin, İqtisadiyyat Nazirliyinin, İcbari Tibbi Sığorta Agentliyinin, eləcə də yerli dərman istehsalçıları və əczaçılıq şirkətlərinin nümayəndələri iştirak edir.
Tədbiri Böyük Britaniya və Şimali İrlandiya Birləşmiş Krallığının ölkəmizdə fövqəladə və səlahiyyətli səfiri Fergus Auld çıxış nitqi ilə açıq elan edərək, konfransın ölkəmiz üçün əczaçılıq sahəsində qarşılıqlı əməkdaşlığın möhkəmləndirilməsində əhəmiyyətini vurğulayıb.
Konfransda respublikamızda əczaçılıq sahəsində tənzimləyici qurum olan Səhiyyə Nazirliyi Analitik Ekspertiza Mərkəzini baş direktor müavini Rafiq Xudayev təmsil edir.
