Avropa Parlamentinin üzvü, yunanıstanlı deputat Mariya Spiraki Avropa Komissiyasına müraciətində, Avropada dərman qıtlığının müşahidə olunduğunu açıqlayıb. Onun sözlərinə görə, bu vəziyyət Çin və Hindistanda lazımi xammalın istehsalında və tədarükündə fasilələrin və ya azalmanın baş verməsi ilə bağlıdır.
“Əvvəllər ucuz olan dərman vasitələrinin qiymətlərinin artırılması qlobal qıtlıqla mübarizənin mümkün vasitəsi kimi nəzərdən keçirilir, bir şərtlə ki, bu tədbirin əsas ağırlığı xəstələrin üzərinə düşməsin”, – o bildirib.
Yanvarın birinci yarısında məlum olub ki, Avropa İttifaqı dərman vasitələrinin strateji fondunu yaratmağı və istehsalçılardan dərmanların tədarükünə zəmanət almağı planlaşdırıb. Səbəb, demək olar ki, bütün 27 Aİ ölkəsi və Böyük Britaniyanın zəruri dərman və cihazların çatışmazlığından şikayət etməsi idi. Onların sırasında penisilin, parasetamol, inhalyatorlar, o cümlədən pediatrik dərman vasitələri də yer tutur.
Spiraki Avropa Komissiyasını bu problemi həll etmək üçün tədbir görməyə çağırıb.
Eyni zamanda Türkiyədə də Səhiyyə Nazirliyinin “3-4 həftəyə normala dönəcəyini gözləyirik” dediyi dərman böhranı dərinləşməyə davam edir. Əczaçılar və həkimlər tapılmayan dərman probleminin artdığını, antibiotik, ağrıkəsici, qızdırma əleyhinə dərmanlarda qıtlıq müşahidə olunduğunu bildirirlər. Dərmanların qiymətində monopoliyaların tələb etdiyi avronun məzənnəsinin artmasına baxmayaraq, dərman böhranı hələ də həllini tapmayıb.
Mənbə: https://ru.euronews.com/news
