AEM-in fəaliyyəti nüfuzlu beynəlxalq jurnalda işiqlandırılıb

Azərbaycan Respublikası Səhiyyə Nazirliyinin dəstəyi ilə Azərbaycan Ümumdünya Səhiyyə Təşkilatının Beynəlxalq Dərman Vasitələrinin Monitorinqi proqramına qoşulmuş, Analitik Ekspertiza Mərkəzi (AEM) isə milli farmakonəzarət mərkəzi olaraq təyin edilmişdir. AEM proqramın icrasına məsul olan Uppsala Dərman Vasitələrinin Monitoring Mərkəzi ilə əlaqələr qurmuş və proqramın icrasına başlanmışdır. Bütün görülən işlərin nəticəsi olaraq, 2018-ci il yanvar ayının 23-də Azərbaycanın ÜST tərəfindən Beynəlxalq Dərman Vasitələrinin Monitorinqi Programının 130-cu tam hüquqlu üzvü olması təsdiq edilmişdir. AEM Azərbaycan Respublikasının Milli Farmakonəzarət Mərkəzi olaraq dərman vasitələrinin təhlükəsizliyi və effektivliyi üçün tələb olunan bütün işləri icra edir, sözügedən sahə üzrə beynəlxalq əməkdaşlığını genişləndirir.

Qürurverici haldır ki, cari ilin aprel ayında Uppsala Monitoring Mərkəzinin dünyanın 150 ölkəsində yayılan, rəsmi “Reports” jurnalının ilk səhifələrində AEM-in Farmakonəzarət şöbəsinin müdiri Fərid Həsənovun Azərbaycan və onu təmsil edən Analitik Ekspertiza Mərkəzinin farmakonəzarət sahəsində dərman vasitələrinin təhlükəsizliyi və effektivliyi istiqamətində gördüyü işlər və perspektivlər haqqında məqaləsi dərc olunmuşdur.

https://uppsalareports.org/articles/promoting-pharmacovigilance-in-azerbaijan/