Kiçik və Orta Biznesin İnkişafı Agentliyinin (KOBİA) dəstəyi, “Əczaçılıq Klubu” İctimai Birliyinin təşkilatçılığı ilə 09.03.2023-cü il tarixində “Əczaçılıq biznesinin inkişafı” Forumu baş tutub. 3 paneldən ibarət olan Forumda, aidiyyəti dövlət qurumlarının və təhsil müəssisələrinin nümayəndələrinin, əczaçılıq sektorunda fəaliyyət göstərən şirkətlərin və əczaçıların iştirakı ilə 3 mühüm istiqamətdə – “Qiymət siyasəti”, “Yerli istehsalın inkişafı”, “BFMQƏ və onun əczaçılıqda rolu” mövzuları gündəmə gətirilmişdir.
Analitik Ekspertiza Mərkəzinin əməkdaşları da həmin forumda iştirak etmiş, Mərkəzin fəaliyyət dairəsinə aid suallar cavablandırılmış, mövzulara aydınlıq gətirilmişdir. AEM-in Əczaçılıq müfəttişliyi şöbəsinin müdiri Pərviz Əzizbəyov, BFMQƏ və Tibb vasitələrinin qeydiyyat-ekspertiza şöbəsinin müdiri Məmməd Rəsulov aidiyyəti panellər üzrə çıxışlar edərək, sualları cavablandırıblar.
AEM daim inkişafa aparan tendensiyaları dəstəkləyir və bu istiqamətdə istər digər dövlət qurumları, istərsə də vətəndaş cəmiyyətinin əsas subyekti olan qeyri-hökumət təşkilatları ilə əməkdaşlığın genişləndirilməsində əlindən gələni əsirgəmir. 
