2025-ci il oktyabrın 3-də Səhiyyə Nazirliyi yanında Analitik Ekspertiza Mərkəzinin akt zalında ölkənin aparıcı idxalçı şirkətlərinin nümayəndələri ilə görüş keçirilmişdir.
Tədbir “Dərman vasitələrinin təqib və izləmə sistemi”nin növbəti mərhələsinin tətbiqinə və sistemin səmərəli istifadəsinə həsr olunmuşdur.
Maarifləndirici görüşü Mərkəzin “Dərman vasitələrinin təqib və izləmə” şöbəsinin əməkdaşları tərəfindən keçirmişdir.
Konstruktiv şəraitdə keçirilən tədbirdə sistemdən istifadə qaydaları, DataMatrix kodunun mahiyyəti, kodların fərqləndirilməsi və izlənilməsi xüsusiyyətləri, həmçinin sistemə daxil edilməsi nəzərdə tutulan növbəti dərman vasitələri və digər vacib məqamlar haqqında məlumat verilmişdir.
Əczaçılıq şirkətlərinin nümayəndələri və şöbə rəhbərliyi Azərbaycan əczaçılıq bazarının keyfiyyətinin, təhlükəsizliyinin və şəffaflığının artırılmasında birgə əməkdaşlığın vacibliyini vurğulamışlar.
Görüşün nəticəsi olaraq tərəflər müntəzəm olaraq belə tədbirlərin keçirilməsi ilə bağlı razılığa gəlmişlər. Həmçinin, şirkət nümayəndələri sistemin istifadəsi zamanı yaranan çətinliklərlə bağlı suallar vermiş, AEM əməkdaşları isə ətraflı cavablar vermişdir.
