Müstəqil Azərbaycan dövlətinin qurucusu, dahi siyasətçi və qüdrətli dövlət xadimi Heydər Əliyevin anadan olmasının 100-cü ildönümü ilə əlaqədar Ulu öndərin zəngin siyasi irsinin, şərəfli həyat və fəaliyyətinin təbliği məqsədilə, Analitik Ekspertiza Mərkəzində silsilə tədbirlərin həyata keçirilməsi davam edir.
Aprelin 14-də, Mərkəzin akt zalında baş tutan növbəti tədbirdə AEM-in BFMQƏ və tibbi vasitələrin qeydiyyat-ekspertiza şöbəsinin müdiri Məmməd Rəsulov və Bir Pəncərə sektorunun müdiri Mətin İsmayılov çıxış etmiş, geniş bilik və dərin təfəkkür sahibi olan Heydər Əliyevin düşünülmüş və cəsarətli qərarları ilə təkcə müstəqillik dövründə deyil, bütün dövrlərdə Azərbaycan ictimaiyyətini ən ciddi şəkildə düşündürən məsələləri uğurla həll etməsini, Heydər Əliyevin zəngin həyat yolu və müstəsna fəaliyyətinin bütün mərhələlərini, öz xalqına sıx bağlılığı, milli dövlәtçilik məfkurəsinə sadiqliyin canlı təcəssümü olmasını öz çıxışlarında əks etdirmişlər.
Tədbirin sonunda Ulu Öndərin həyat və iş fəaliyyətini əks etdirən sənədli film nümayiş olunmuşdur. 
