Dərman vasitələrinin təqib və izləmə şöbəsi
Dərman vasitələrinin təqib və izləmə şöbəsi Səhiyyə Nazirliyi “Analitik Ekspertiza Mərkəzi” publik hüquqi şəxsinin struktur vahidi kimi fəaliyyət göstərir.
Öhdəliyində olan vəzifələrə müvafiq olaraq aşağıdakı funksiyaları yerinə yetirir:
- Dərman vasitələrinin təqib və izləmə sisteminin fəaliyyətinin təşkili, daim inkişaf etdirilməsi, mütəmadi olaraq səmərəliliyinin yoxlanılması, eləcə də lazımi düzəlişedici və ya qabaqlayıcı tədbirlərin görülməsi;
- Dərman vasitələrinin təqib və izlənməsinin həyata keçirilməsi;
- Dərman vasitələrinin təqib və izlənməsi ilə bağlı normativ hüquqi aktların işlənib hazırlanması və mövcud qanunvericiliyə dəyişikliklərin edilməsinə dair təkliflərin verilməsi;
- Dərman vasitələrinin dövriyyəsinin iştirakçıları üçün “Təqib və izləmə sistemi” ilə bağlı müvafiq təlimlərin müəyyən edilməsi və keçirilməsi;
- Dərman vasitələrinin təqib və izləmə sistemi ilə bağlı qanunvericilikdə nəzərdə tutulmuş digər vəzifələrin icrası.
Sistemin tətbiqi barədə ümumi məlumat
“Dərman Vasitələrinin Təqib və İzləmə Sistemi”nin ölkə ərazisində tətbiq olunması “Dərman vasitələri haqqında” Azərbaycan Respublikasının Qanununun əsas anlayışlarından biri kimi 1.0.35-ci maddəsində qeyd olunmuşdur.
1.0.35 – “Dərman vasitələrinin təqib və izləmə sistemi – dərman vasitələrinin idxalı və dövriyyəsinə nəzarətin həyata keçirilməsini təmin edən, həmçinin onların istehsalı və reseptlə bağlı məlumatları ehtiva edən informasiya sistemi”
Həmçinin “Dərman vasitələri haqqında” Azərbaycan Respublikasının Qanununda dəyişiklik edilməsi barədə” Azərbaycan Respublikasının 2023-cü il 14 iyul tarixli 979-VIQD nömrəli Qanununun tətbiqi və “Dərman vasitələri haqqında” Azərbaycan Respublikası Qanununun tətbiq edilməsi barədə” Azərbaycan Respublikası Prezidentinin 2007-ci il 6 fevral tarixli 528 nömrəli Fərmanında dəyişiklik edilməsi haqqında” Azərbaycan Respublikası Prezidentinin 15 avqust 2023-cü il tarixli 2298 nömrəli Fərmanın 3.2-ci bəndində “Dərman vasitələrinin təqib və izləmə sistemi”nin yaradılmasının 2024-cü il yanvarın 1-dək təmin edilməsi nəzərdə tutulmuşdur.
Dərman vasitələri dövriyyəsinin təhlükəsizliyinin təmin edilməsi və qaçaqmalçılığının qarşısının alınması məqsədilə dərman vasitələrinin istehsalından və ya idxalından son istehlakçıya çatdırılmasına qədər olan bütün mərhələlərin real vaxt rejimində izlənilməsini təmin edən “Dərman Vasitələrinin Təqib və İzləmə Sistemi” 01 yanvar 2024-cü il tarixindən etibarən mərhələli olaraq tətbiq olunmaqdadır. İlkin mərhələdə psixotrop və güclü təsir edən dərman vasitələrinin ölkə üzrə izlənilməsi həyata keçirilir. Sistemin tətbiqinin növbəti mərhələsində digər dərman vasitələrinin bütün yerli istehsalçı və idxalçı şirkətlərin anbarlarında, eləcə də tibb müəssisələrində və apteklərdə real vaxt rejimində izlənilməsinə başlanılacaq.
“Dərman Vasitələrinin Təqib və İzləmə Sistemi” Azərbaycan Respublikasının Səhiyyə Nazirliyinin sifarişi əsasında Türkiyənin “TCHealth” şirkəti tərəfindən formalaşdırılmış veb platformalı informasiya sistemidir. Bu sistem GS1 2D Datamatriks standartına uyğun qaydada kodlaşdırılmış (markalanmış) dərman vasitələrinin elektron qaydada izlənilməsinin həyata keçirilməsinə imkan yaradır. Dərman vasitələri dövriyyəsinin iştirakçıları bu Sistemə müvafiq istifadəçi adı və şifrə vasitəsilə daxil olurlar. Bu istifadəçi hesabları Sistemin operatoru funksiyalarını yerinə yetirən “Dərman vasitələrinin təqib və izləmə şöbəsi” tərəfindən müvafiq müəssisələrdən təqdim edilən məlumatlar əsasında yaradılır.
Faydalı keçidlər
“Dərman vasitələrinin təqib və izləmə sistemi”-nə daxil olmaq üçün veb ünvan (link):
https://dvtis.e-health.gov.az/account/login
“Təqib və İzləmə” sistemi topdansatış əczaçılıq müəssisələri tərəfindən necə istifadə olunur?
https://www.youtube.com/embed/i7wccTqc2vc?feature=oembed
“Təqib və İzləmə” sistemində “Köçürülmə” prosesi necə aparılır:
“Təqib və İzləmə” sistemi pərakəndə əczaçılıq və tibb müəssisələri tərəfindən necə istifadə olunur:
Əlaqə vasitələri
E-poçt: [email protected]
Telefonlar:
(+99412) 596 – 05 – 20 (252)
(+99450) 246 – 93 – 73
