Artıq Xocalı Faciəsindən 28 il keçir. Bütün beynəlxalq hüquq normalarına zidd olaraq Ermənistan dövləti Dağlıq Qarabağı özünə birləşdirmək istəyir, bu yolda bütün cinəyət və vəhşiliyə hazır olduqlarını nümayiş etdirirlər. XX əsrin faciəsi olan Xocalı soyqırımı bu aqressiv və cinayətkar erməni siyasətinin nəticəsidir. XX əsrin sonunda baş vermiş bu faciə təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir
Bu tarix Səhiyyə Nazirliyi Analitik Ekspertiza Mərkəzində də ehtiramla yad edildi. Əməkdaşların professional inkişafı ilə yanaşı onlarda vətənpərvərlik və dövlətçilik ruhunun aşılanması rəhbərliyin daim nəzarətindədir. Fevral ayının 26-da əməkdaşlar Mərkəzin akt zalına toplaşmış, Xocalı faciəsində həlak olmuş insanların xatirəsi 1 dəqiqəlik sükütla yad edilmişdir. Daha sonra həmin qanlı tarixi – Xocalı faciəsini əks etdirən sənədli film nümayiş olunmuşdur.
