17-20 oktyabr tarixlərində HTA (Health Technology Assessment) Beynəlxalq Təşkilatının və Azərbaycan Respublikası Səhiyyə Nazirliyinin təşəbbüsü ilə region ölkələrin səhiyyə sistemini qabaqcıl, dünya təcrübəsinə əsaslanan texnologiyalarla tanış etmək və onun inkişaf etdirilməsinə töhvələr vermək, yeni standartlara uyğunlaşaraq, əhalinin keyfiyyətli səhiyyə xidmətlərinə əlçatanlığını artırmaq məqsədi ilə Səhiyyə islahatlarında səhiyyə texnologiyalarının qiymətləndirilməsi üzrə 1-ci beynəlxalq konfrans keçirilib.
Sözü gedən konfransda Azərbaycan, Türkiyə, ABŞ, Polşa, Ukrayna, Niderland, Qazaxıstan, Qırğızıstan, Özbəkistan Respublikalarının nümayəndələri iştirak edib. Tədbirdə Analitik Ekspertiza Mərkəzini təmsil edən Qeydiyyat-ekspertiza şöbəsinin baş mütəxəssisi Lalə Həmidzadə Azərbaycanda dərman vasitələrinin qeydiyyatının aparılması qaydaları, Mərkəzin dünya standartları üzrə inkişafı və dünyanın qabaqcıl ölkələrinin səhiyyə sisteminə inteqrasiyası mövzusunda konfrans iştirakçılarına ətraflı məlumat verib.
Konfransın sonunda, təşkilatçılar sözügedən tədbirin gələcəkdə bu istiqamətdə keçirilməsi nəzərdə tutulan digər tədbirlər üçün bir addım olduğunu iştirakçıların nəzərinə çatdırıb.
Discussion about this post