Azərbaycan Respublikası Prezidentinin 22 iyul 2022-ci il tarixli 3378 nömrəli Sərəncamı ilə təsdiq edilmiş “Azərbaycan Respublikasının 2022-2026-cı illərdə sosial-iqtisadi inkişaf Strategiyası”nda Səhiyyə Nazirliyinin icraçısı olduğu bəndlər üzrə tibb müəssisələrinin bilik və bacarıqlarının artırılması çərçivəsində 24 noyabr 2023-cü il tarixində Səhiyyə Nazirliyi Analitik Ekspertiza Mərkəzində “Tibb müəssisələrində havalandırma, sanitar əks epidemik işin təşkili və nəzarəti” mövzusunda özəl tibb müəssisələrinin personalı üçün növbəti təlim keçirilib.
Təlimdə tibb müəssisələrində sanitar əks epidemik işin təşkili və nəzarəti, sanitar-profilaktik və əks epidemik tədbirlər, xəstəxanadaxili infeksiyalara qarşı profilaktika və mübarizə tədbirləri, epidemioloji nəzarətin tətbiqi və nəzarəti, müəssisələrin otaqlarında havanın zərərsizləşdirilməsi üçün icazə verilmiş avadanlıq və ya kimyəvi vasitələrdən istifadə, müalicə-profilaktika müəssisələrinin ərazilərində tullantıların toplanması, müvəqqəti saxlanması və daşınması sisteminin təşkili və s. kimi mövzular təqdim edilib, maarifləndirici müzakirələr aparılıb, həmçinin iştirakçıların sualları cavablandırılıb.
