ANALİTİK EKSPERTİZA MƏRKƏZİ - Səhiyyə Nazirliyinin təşəbbüsü ilə 2007-ci ildə yaradılmışdır
Analitik Ekspertiza Mərkəzində Azərbaycan xalqının ümummilli lideri Heydər Əliyevin 100 illik yubileyinə həsr olunmuş şahmat turniri keçirilib. Azərbaycan himninin səsləndirilməsi ilə başlayan turnirin açılış mərasimində Ulu Öndərin xatirəsi 1 dəqiqəlik sükutla yad edildi.
Şahmat həvəskarları olan AEM əməkdaşları arasında turnir ərzində 12 partiya oynanılaraq, 1-ci və 2-ci yerlərin qalibləri müəyyən olunmuşdur. AEM-in Dərman vasitələrinin qeydiyyat-ekspertiza şöbəsinin müdir müavini Kamran Quliyev turnirin qalibi olmuş, Sənədlərin dövriyyəsi və təşkili şöbəsinin baş mütəxəssisi Əsgər Əsgərli isə 2-ci yeri tutmuşdur. Qaliblər AEM rəhbərliyi tərəfindən diplom və xatirə hədiyyələri ilə mükafatlandırılmışlar.
Qalibləri təbrik edir, daha böyük nailiyyətlər arzulayırıq!
\
