Qeyd edirik ki, Azərbaycanda dərman vasitələrinin satış qiymətləri Tarif (qiymət) Şurası tərəfindən tənzimlənir və təsdiq olunur. Bununla belə, mediada yayılan məlumat əsasında məsələ Analitik Ekspertiza Mərkəzi tərəfindən araşdırılıb və qanunvericiliyin tələblərinə uyğun müvafiq tədbirlər görülüb.

Araşdırma nəticəsində müəyyən edilib ki, “Selsept 500 mq №50 tablet” dərman vasitəsini 123,02 manata satan aptek müəssisəsi tərəfindən hər hansı qanun pozuntusuna yol verilməyib. Həmin dərman vasitəsi üçün Tarif (qiymət) Şurası tərəfindən müəyyən edilmiş yuxarı satış qiyməti 123 manat 02 qəpik təşkil edir.

Müəyyən olunub ki, vətəndaşa “Selsept 500 mq №50 tablet” dərman vasitəsinin 67 manat 60 qəpiyə satışı “ZEYTUN PHARMACEUTICALS” MMC-yə məxsus Bakı şəhəri, Nəsimi rayonu, Səməd Vurğun küçəsi 92 ünvanında yerləşən aptek müəssisəsində həyata keçirilib.

Mediada yayılan məlumat və mövcud faktlar əsas götürülərək, Azərbaycan Respublikası Ədliyyə Nazirliyinin dövlət reyestrindən çıxarış əsasında Analitik Ekspertiza Mərkəzinin əməkdaşları tərəfindən həmin aptek müəssisəsində plandankənar (növbədənkənar) yoxlama keçirilib.

Yoxlama zamanı müəyyən edilib ki, “Selsept 500 mq №50 tablet” dərman vasitəsi (böyrək, ürək və ya qaraciyər transplantasiyasından sonra orqan rəddinin qarşısını almaq üçün istifadə olunan immunosupressiv preparatdır) Azərbaycan Respublikasında əlilliyi olan şəxslər üçün ambulator şəraitdə istifadə edilən ən vacib dərman vasitələri siyahısına daxildir. Bu dərman həkim təyinatına uyğun olaraq dövlət tərəfindən həmin şəxslərə ödənişsiz təmin edilir.

Yoxlama çərçivəsində aptek müəssisəsinin məsul şəxsindən yazılı izahat alınıb. Təqdim olunmuş izahata əsasən, satışa çıxarılan preparat aptekə aid olmayıb, işçinin yaxın qohumuna məxsus olub və artıq istifadə edilmədiyi üçün aşağı qiymətə satılması məqsədilə aptekdə realizə edilib.

Araşdırma zamanı müəyyən olunub ki, bu hal qüvvədə olan qanunvericiliyin tələblərinə uyğun deyil. Bundan əlavə, yoxlama zamanı aptek müəssisəsində normativ-hüquqi aktların tələblərinin pozulması ilə bağlı digər nöqsanlar da aşkarlanıb.

Aşkar olunmuş pozuntularla əlaqədar Azərbaycan Respublikasının İnzibati Xətalar Məcəlləsinin 221.1-ci maddəsinə əsasən inzibati xəta haqqında protokol tərtib olunub və qanunvericilikdə nəzərdə tutulmuş müvafiq tədbirlər görülüb.

Analitik Ekspertiza Mərkəzi bir daha bildirir ki, vətəndaşların müraciətləri və mediada yayılan məlumatlar diqqətlə araşdırılır, qanun pozuntusu müəyyən edildiyi hallarda isə operativ nəzarət tədbirləri həyata keçirilir və qanunvericiliyə uyğun hüquqi qiymət verilir.

Eyni zamanda, media nümayəndələrindən xahiş olunur ki, səhiyyə sahəsinə aid məlumatları, xüsusilə Analitik Ekspertiza Mərkəzinin səlahiyyətlərinə aid məsələləri dərc etməzdən əvvəl rəsmi mövqeni də dəqiqləşdirsinlər. Bu, ictimaiyyətin düzgün məlumatlandırılmasına və yanlış təsəvvürlərin formalaşmasının qarşısının alınmasına xidmət edir.

Bir daha bildiririk ki, vətəndaşlar özəl tibb müəssisələrində və aptek təşkilatlarında qanunsuz fəaliyyət, şübhəli dərman vasitələri və ya digər pozuntularla bağlı aşağıdakı vasitələrlə Analitik Ekspertiza Mərkəzinə müraciət edə bilərlər:

• “Bir pəncərə” sektoru;
• Qaynar xətt: (012) 596 05 20;
• E-poçt: aem@pharma.az;
• www.pharma.az saytının “Müraciət” bölməsi.

Daxil olan bütün müraciətlər qanunvericiliyin tələblərinə uyğun qaydada araşdırılır və zərurət yarandıqda müvafiq tibb və əczaçılıq müəssisələrində plandankənar yoxlamalar keçirilərək qanunvericilikdə nəzərdə tutulan tədbirlər görülür.

Görüşdə Sistemdən istifadə zamanı bu günə yol verilən ciddi problemlər barədə ətraflı məlumatlar verilmiş, gələcəkdə baş verə biləcək ciddi nöqsanların olmaması üçün görülməli olan mühüm tədbirlərlə bağlı müzakirələr aparılmışdır. Müzakirələr həm topdansatış müəssisəsini, həm də müəssisəyə aid olan aptekləri əhatə edəcək şəkildə aparılmışdır. Tədbir zamanıTəqib və İzləmə sisteminin mahiyyəti və məqsədi bir daha ətraflı şəkildə şirkət nümayəndələrinə izah edilmişdir. İstehsalçıdan son istehlakçıya qədər uzun zəncirin mühüm hissələrindən olan topdansatış müəssisələrinin Sistemdən düzgün və dəqiq istifadə etməsi, tələblərin və məlumat mübadiləsinin pozulmaması üçün birbaşa nəzarət mexanizmlərinin qurulması şirkətlərin prioritet və bu gün üçün başda duran əsas məsələlərindən biri olması onlara aydın şəkildə bildirilmişdir.

Görüş zamanı hazırda şirkətlər tərəfindən sistemin istifadəsindəki uyğunsuzluqlar, bunların yarada biləcəyi ciddi fəsadlar və onların aradan qaldırılması yolları diqqətə çatdırılmış, şirkətlərdən tabeliklərində olan müəssisələrə bir daha Təqib və İzləmə Sistemindən təlimata uyğun və düzgün istifadə edilməsi ilə bağlı xəbərdarlıq olunması tələb edilmişdir.

Sonda tədbir iştirakçılarını maraqlandıran suallara Analitik Ekspertiza Mərkəzinin əməkdaşları tərəfindən müvafiq cavablar verilmişdir.

 Sevindirici haldır ki, bu il altıncı dəfə keçirilən müsabiqənin qalibləri arasında Səhiyyə Nazirliyi Analitik Ekspertiza Mərkəzinin Dərman vasitələrinin İdxal-ixrac şöbəsinin müdiri Şirin Şahbazov da var. Gənc həmkarımızı böyük qələbəsi münasibəti ilə təbrik edir  və yeni-yeni nailiyyətlər arzulayırıq!

Nümayəndə heyətinə Belarus Respublikasının Azərbaycan Respublikasındakı fövqəladə və səlahiyyətli səfiri Dmitri Leonidoviç Pineviç, səfirliyin baş məsləhətçisi Tatyana Nikolayevna Zubritskaya və səfirliyin birinci katibi Veronika Aleksandrovna Lisitskaya daxil idi.

Görüş zamanı nümayəndə heyəti Analitik Ekspertiza Mərkəzinin direktor müavini Rafiq Xudayev tərəfindən qəbul edildi. Mərkəzin şöbələrinin müdirlərinin iştirak etdiyi görüşdə Belarus nümayəndə heyətinə Azərbaycanın dərman tənzimləyicisi olan AEM-in fəaliyyəti barədə müvafiq məlumatlar verildi. Görüşün əsas məqsədi Belarus tərəfini Azərbaycanda dərman vasitələrinin qeydiyyatı və yenidən qeydiyyatı prosedurları, tənzimləyici çərçivə və dərman məhsullarının ekspertizasının praktik aspektləri ilə tanış etmək idi.

Müzakirələr aşağıdakıları əhatə etdi: dərman vasitələrinin qeydiyyatı proseduru və tələbləri; dərman vasitələrinin keyfiyyətinə və təhlükəsizliyinə nəzarət mexanizmləri; tənzimləmə proseslərinin rəqəmsallaşdırılması və optimallaşdırılması; dərman təchizatında təcrübə mübadiləsi və effektiv təcrübələrin tətbiqi.

Tərəflər həmçinin Azərbaycan və Belarusun müvafiq qurumları arasında tərəfdaşlığın inkişaf perspektivlərini müzakirə etdilər.

Görüş konstruktiv və işgüzar atmosferdə baş tutdu və tərəflər arasında əməkdaşlığın inkişafında və peşəkar əlaqələrin gücləndirilməsində qarşılıqlı maraqları təsdiqlədi.

1. Dərmanın məqsədli çatdırılması

Nanohissəciklər dərmanların birbaşa təsirlənmiş hüceyrələrə çatdırılmasına imkan verir ki, bu da terapiyanın effektivliyini artırır və yan təsirləri azaldır. Məsələn, dəmir oksidi nanohissəcikləri hipertermiya üçün istifadə olunur, bu üsulla hissəciklər maqnit sahəsində qızdırılır və xərçəng hüceyrələri öldürülür.

2. Diaqnostikada vizuallaşdırmanın təkmilləşdirilməsi

Tibbi təsvirlərin keyfiyyətini artırmaq üçün nanomateriallardan istifadə olunur. Biofunksionallaşdırılmış flüoresan nanohissəciklər xüsusi zülallara bağlana bilər ki, bu da şişlərin və ya digər patoloji dəyişikliklərin yüksək dəqiqliklə vizuallaşdırılmasına imkan verir.

3. Antibakterial xüsusiyyətlər

Gümüş nanohissəciklər antibakterial xüsusiyyətləri ilə tanınır və artıq tibbi məqsədlər üçün istifadə olunur. Onlar geniş spektrli mikroorqanizmlərə qarşı effektivdir və tibbi alətlər və implantlar üzərində antibakterial örtüklər yaratmaq üçün istifadə olunur.

4. Toxuma mühəndisliyi

Nanotexnologiya zədələnmiş toxumaların bərpasına kömək edir. Məsələn, nanostrukturlu karbon nanoborucuq dayaqları dəstək vermək və yeni hüceyrələrin böyüməsini stimullaşdırmaqla sümük toxumasını bərpa etmək üçün istifadə olunur.

5. Biosensorların inkişafı

Nanoborular və nanotellər kimi nanomateriallar biomolekulların aşkarlanması üçün biosensorların yaradılmasında istifadə olunur. Bu, müxtəlif xəstəliklərin erkən mərhələlərində tez və dəqiq diaqnoz qoymağa imkan verir.

Azərbaycan Respublikasının Nazirlər Kabinetinin  25 dekabr 2019-cu il, № 503 Qərarı ilə təsdiq edilmiş “Dərman vasitələrinin farmakonəzarət Qaydası”na (bundan sonra -Qayda) 18 mart 2024-cü il tarixli 166 nömrəli Azərbaycan Respublikası Nazirlər Kabinetinin Qərarı ilə dəyişiklik edilmişdir.

Qaydada edilmiş dəyişiklik ilə Azərbaycan Respublikasının Ədliyyə Nazirliyi Hüquqi aktların vahid elektron bazasında  https://e-qanun.az/framework/44069  linkinə keçid edərək tanış ola bilərsiniz.

Aşağıdakı linkdən Excel cədvəli yükləməklə Qaydanın 16.2.8-ci bəndində nəzərdə tutulmuş tələblərə əsasən dərman vasitələrinin DYTH-ın “Dərman vasitələrinin Avropa İttifaqında (Aİ) qeydiyyat tarixləri və dövri olaraq yenilənən təhlükəsizlik hesabatının təqdim edilmə müddətləri siyahısı”na, dərman vasitələrinin ilk dövlət qeydiyyatı Azərbaycan Respublikasında olduğu halda onların qeydiyyata alınma tarixinə və ya dərman vasitəsinin beynəlxalq qeydiyyat tarixinə uyğun olaraq Quruma təqdim edilmə müddəti və dövrilikləri ilə tanış ola bilərsiniz.

(Excel sənədi yükləmək 14.08.2026-cı il tarixli № 6 versiya) .

Qeyd: Dərman vasitəsinin DYTH-ın Quruma təqdim edilmə müddəti və dövrilikləri ilə bağlı hər hansı sual yaranarsa Qurumun Bir pəncərə sektoruna əsaslandırılmış rəsmi müraciət edə bilərsiniz.

Eyni zamanda bildiririk ki, dərman vasitəsinin DYTH-ın Quruma təqdim edilmə müddəti və dövrilikləri ilə bağlı 01.09.2024-cü il tarixinədək əsaslandırılmış rəsmi müraciət edilmədikdə cədvəldə qeyd edilənlər əsas götürüləcək.

Məlumat veririk ki, vəsiqə sahibləri Qaydanın tələblərini vaxtında və düzgün şəkildə icra etmədikdə, Qurum Qaydanın 19.6-cı və 19.7-ci maddələrinə uyğun olaraq tədbirlər həyat keçirmək səlahiyyətinə malikdir. Həmin bəndlərin tələblərinə görə, vəsiqə sahibinin farmakonəzarət sisteminin Etibarlı Farmakonəzarət Təcrübəsinə uyğunluğu müəyyən edilərkən bu Qaydanın tələbləri ilə ziddiyyət aşkar edildikdə, Qurum həmin ziddiyyətlər barədə dərhal Səhiyyə Nazirliyini məlumatlandırır. Nazirlik bu Qaydanın 19.6-cı bəndində nəzərdə tutulan ziddiyyətin aradan qaldırılması üçün ziddiyyətin xüsusiyyətindən asılı olaraq, vəsiqə sahibinə 15 (on beş) gündən az, 3 (üç) aydan çox olmayaraq müddət müəyyən edir. Bu müddətdə ziddiyyət aradan qaldırılmadıqda və tələb olunan sənədlər təqdim edilmədikdə, dərman vasitəsinin dövlət qeydiyyatı ləğv edilir.

Bu müddət ərzində 1 özəl tibb müəssisəsinin – “Medicare Klinikası” MMC -də lisenziyadan kənar fəaliyyət aşkar edilməsi və verilən vaxt ərzində nöqsanların aradan qaldırılmamsı səbəbindən Səhiyyə Nazirliyinin rəyi ilə İqtisadiyyat Nazirliyi tərəfindən sözügedən klinikanın lisenziyasının dayandırılması barədə qərar qəbul edilib.