Görüşdə Sistemdən istifadə zamanı bu günə yol verilən ciddi problemlər barədə ətraflı məlumatlar verilmiş, gələcəkdə baş verə biləcək ciddi nöqsanların olmaması üçün görülməli olan mühüm tədbirlərlə bağlı müzakirələr aparılmışdır. Müzakirələr həm topdansatış müəssisəsini, həm də müəssisəyə aid olan aptekləri əhatə edəcək şəkildə aparılmışdır. Tədbir zamanıTəqib və İzləmə sisteminin mahiyyəti və məqsədi bir daha ətraflı şəkildə şirkət nümayəndələrinə izah edilmişdir. İstehsalçıdan son istehlakçıya qədər uzun zəncirin mühüm hissələrindən olan topdansatış müəssisələrinin Sistemdən düzgün və dəqiq istifadə etməsi, tələblərin və məlumat mübadiləsinin pozulmaması üçün birbaşa nəzarət mexanizmlərinin qurulması şirkətlərin prioritet və bu gün üçün başda duran əsas məsələlərindən biri olması onlara aydın şəkildə bildirilmişdir.

Görüş zamanı hazırda şirkətlər tərəfindən sistemin istifadəsindəki uyğunsuzluqlar, bunların yarada biləcəyi ciddi fəsadlar və onların aradan qaldırılması yolları diqqətə çatdırılmış, şirkətlərdən tabeliklərində olan müəssisələrə bir daha Təqib və İzləmə Sistemindən təlimata uyğun və düzgün istifadə edilməsi ilə bağlı xəbərdarlıq olunması tələb edilmişdir.

Sonda tədbir iştirakçılarını maraqlandıran suallara Analitik Ekspertiza Mərkəzinin əməkdaşları tərəfindən müvafiq cavablar verilmişdir.

 Sevindirici haldır ki, bu il altıncı dəfə keçirilən müsabiqənin qalibləri arasında Səhiyyə Nazirliyi Analitik Ekspertiza Mərkəzinin Dərman vasitələrinin İdxal-ixrac şöbəsinin müdiri Şirin Şahbazov da var. Gənc həmkarımızı böyük qələbəsi münasibəti ilə təbrik edir  və yeni-yeni nailiyyətlər arzulayırıq!

Yoxlamalardan biri Bakı şəhərində, 55-i isə respublikanın digər şəhər və rayonlarında yerləşən apteklərdə həyata keçirilib. Keçirilən yoxlamaların 55-i planlı, biri isə plandankənar olub.

Nəticələrə əsasən, 18 aptekdə müxtəlif nöqsanlar aşkar edilib.

Aşkarlanmış pozuntularla bağlı Azərbaycan Respublikasının İnzibati Xətalar Məcəlləsinin 452.1 və 452.3-cü maddələri üzrə müvafiq inzibati protokollar tərtib olunub.

Belə ki, görüş zamanı tibb vasitələri və bioloji fəallığa malik qida məhsulları sahəsində mövcud vəziyyət, bu istiqamətdə beynəlxalq təcrübə, eləcə də qarşılıqlı əməkdaşlıq imkanları ətrafında fikir mübadiləsi aparılmışdır. Tərəflər arasında aidiyyəti sahədə həyata keçirilən fəaliyyət istiqamətləri, keyfiyyət və təhlükəsizlik məsələləri, həmçinin məhsulların dövriyyəsinə dair mövcud tənzimləmə mexanizmləri müzakirə olunmuşdur.

Eyni zamanda, görüş çərçivəsində tibb vasitələri və bioloji fəallığa malik qida məhsullarının Azərbaycan Respublikasında dövlət qeydiyyatına alınması, ekspertiza prosedurları, təqdim edilməli sənədlər, habelə həmin məhsulların ölkə ərazisinə idxalı ilə bağlı qüvvədə olan qanunvericiliyin tələbləri qarşı tərəfin nümayəndələrinə ətraflı şəkildə izah edilmişdir. Bildirilib ki, məhsulların ölkə ərazisində dövriyyəsi və idxalı yalnız mövcud normativ hüquqi aktların tələblərinə uyğun şəkildə həyata keçirilə bilər.

Ümumilikdə, görüş işgüzar və konstruktiv şəraitdə keçmiş, tərəflər arasında qarşılıqlı maraq doğuran məsələlər üzrə faydalı fikir mübadiləsi aparılmışdır.

Qanunvericilikdə edilən dəyişikliklərə əsasən, 1 iyun 2026-cı il tarixindən etibarən istehsalçı və ya onun müvəkkil etdiyi şəxs (bundan sonra – ərizəçi) tərəfindən bioloji aktiv qida məhsullarının ekspertizası məqsədilə Azərbaycan Respublikası Səhiyyə Nazirliyinin “Analitik Ekspertiza Mərkəzi” publik hüquqi  şəxsinə (bundan sonra – Qurum) sənədlərin qəbulu dayandırılır. Ərizəçi Azərbaycan Respublikası Nazirlər Kabinetinin 2024-cü il 13 mart tarixli 155 nömrəli Qərarı ilə təsdiq edilmiş ““Qida təhlükəsizliyi haqqında” Azərbaycan Respublikası Qanununun 25.1.1–25.1.6-cı maddələrində nəzərdə tutulmuş məhsulların qeydiyyatının aparılması, qeydiyyatının dayandırılması, bərpa edilməsi, ləğvi və yenidən rəsmiləşdirilməsi Qaydaları və qeydiyyatın qüvvədəolma müddəti”nin 8.6-cı bəndində qeyd edilən sənəd və məlumatları Azərbaycan Respublikasının Qida Təhlükəsizliyi Agentliyinə (bundan sonra – Agentlik) təqdim edir. Həmin sənədlər və məlumatlar Agentliyin “Avtomatlaşdırılmış Qida Təhlükəsizliyi” informasiya sistemi ilə “Elektron Hökumət İnformasiya Sistemi” vasitəsilə ötürüldükdən sonra 2 (iki) iş günü müddətində ərizəçiyə bu barədə bildiriş təqdim edilir. Bundan sonra Qurum tərəfindən müqavilə tərtib edilir və  ərizəçinin imzalaması üçün Nazirlik tərəfindən Vahid Səhiyyə informasiya sisteminə yerləşdirilir. Müqavilə imzalandıqdan və müqavilə üzrə ödənişin həyata keçirilməsini təsdiq edən sənəd ərizəçi tərəfindən 3 (üç) iş günü müddətində Vahid Səhiyyə informasiya sisteminə yerləşdirildikdən sonra məhsulun satış üçün nəzərdə tutulmuş 3 (üç) ədəd nümunəsi Quruma təqdim edilir və ekspertiza həyata keçirilir.

Ekspertiza ərizəçi tərəfindən müqavilə üzrə ödənişi təsdiq edən sənəd və məhsul nümunəsi Quruma təqdim edildikdən sonra 15 (on beş) iş günü müddətində həyata keçirilir. Həmin müddət ekspertizanın aparılmasında əlavə araşdırmaya zərurət yarandığı hallarda 10 (on) iş günündən çox olmayan müddətə uzadıla bilər.

Bu məqsədlə Mərkəzin şöbələrində yanğın təhlükəsizliyi qaydalarına əsasən təlimat hazırlanaraq struktur şöbə müdirlərinə paylanılıb, əməkdaşlarla mütəmadi təlimlər keçirilir.

Nəzəri biliklərin daha effektiv mənimsənilməsi və əməkdaşların praktik bacarıqlarının artırılması məqsədilə 14 may 2026-cı il tarixində Mərkəzdə “Yanğın təhlükəsizliyi” mövzusunda təlim təşkil olunub.

Təlim zamanı əyani təqdimatlar vasitəsilə iştirakçılara yanğın zamanı davranış qaydaları, ilkin müdaxilə üsulları, eləcə də təhlükəsizlik tələbləri barədə ətraflı məlumat verilib.

Plastik cərrahiyyə ciddi tibbi müdaxilədir və düzgün qərar üçün əvvəlcədən hazırlıq vacibdir.

Bəzi vətəndaşlar əməliyyatdan sonra gözlənilən nəticənin alınmadığını, cərrahın onları qəbul etmədiyini və ya əlavə ödəniş tələb olunduğunu bildirirlər.

Səhiyyə Nazirliyinin Analitik Ekspertiza Mərkəzi belə hallarla qarşılaşmamağınız üçün plastik əməliyyat qərarı verən hər kəsə sadə və vacib qaydaları təqdim edir.