Yoxlamaların 105-i planlı, 5-i  plandankənar olmuşdur.

Aparılmış yoxlamalar nəticəsində 26 aptekdə müxtəlif nöqsanlar aşkarlanmışdır. Bu hallarla bağlı Azərbaycan Respublikasının İnzibati Xətalar Məcəlləsinin 215.4, 452.1 ,452.2, 452.3 və 452.4 maddələri üzrə müvafiq inzibati protokollar tərtib edilmişdir.

Tədbirdə Azərbaycan Respublikası Səhiyyə Nazirliyinin Analitik Ekspertiza Mərkəzinin “Tibb və əczaçılıq vasitələrinin ekspertizası və keyfiyyətinə nəzarət” laboratoriyasının müdiri Çingiz Şükürov təmsil etmişdir.

Görüşün əsas məqsədi dərman vasitələrinin keyfiyyətinə nəzarət sahəsində müasir yanaşmaların və beynəlxalq təcrübənin müzakirə edilməsi, Mərkəzi Asiya ölkələrinin milli tənzimləyici qurumları arasında təcrübə mübadiləsinin aparılması, eləcə də keyfiyyətə nəzarət proseslərində tətbiq olunan müasir analitik metod və texnologiyalar barədə məlumatların paylaşılması olmuşdur.

Tədbir çərçivəsində Amerika Farmakopeyasının fəaliyyəti, farmakopeyanın son dövrdə tətbiq etdiyi yeniliklər və dərman vasitələrinin keyfiyyətinə nəzarətdə istifadə olunan yanaşmalar barədə təqdimatlar dinlənilmişdir. Xüsusilə Amerika Farmakopeyasının müqayisə standartlarının dərman vasitələrinin keyfiyyət göstəricilərinin qiymətləndirilməsində və analitik nəticələrin etibarlılığının təmin edilməsində əhəmiyyəti diqqətə çatdırılmışdır.

Həmçinin dərman vasitələrinin keyfiyyətinə nəzarət sahəsində mövcud qlobal tendensiyalar, laboratoriya analizlərində istifadə olunan müasir avadanlıqlar və analitik üsullar, onların validasiyası və verifikasiyası ilə bağlı məsələlər ətraflı müzakirə olunmuşdur. İştirakçılara müasir laboratoriya yanaşmaları, analitik proseslərin etibarlılığının və nəticələrin dəqiqliyinin təmin edilməsi istiqamətində tətbiq olunan metodlar barədə məlumat verilmişdir.

Görüşdə dərman vasitələrinin tərkibində insan sağlamlığı üçün potensial risk yarada bilən kanserogen və mutagen qarışıqların müəyyən edilməsi məsələsinə də xüsusi diqqət yetirilmişdir. Bu cür qarışıqların müasir analitik üsullarla təyini, onların miqdarının qiymətləndirilməsi və keyfiyyətə nəzarət prosesində tətbiq olunan yanaşmalar barədə təqdimatlar iştirakçıların diqqətinə çatdırılmışdır. Eyni zamanda, qeyd olunan sahədə Amerika Farmakopeyasının yanaşması və müvafiq analitik metodların tətbiqi ilə bağlı məlumat verilmişdir.

Tədbirin mühüm istiqamətlərindən biri də Mərkəzi Asiya ölkələrinin dərman vasitələrinin keyfiyyətinə nəzarət sahəsində mövcud təcrübələrinin paylaşılması olmuşdur. Görüş zamanı iştirakçı ölkələrin milli tənzimləyici qurumlarının fəaliyyət istiqamətləri, laboratoriya nəzarəti və analitik ekspertiza sahəsində tətbiq olunan yanaşmalar barədə fikir mübadiləsi aparılmışdır.

Görüş çərçivəsində aparılan müzakirələr dərman vasitələrinin keyfiyyətinin təmin edilməsi və keyfiyyətə nəzarət mexanizmlərinin təkmilləşdirilməsi, müasir analitik üsulların tətbiqi, beynəlxalq standart və yanaşmaların öyrənilməsi baxımından əhəmiyyətli olmuşdur.

Belə tədbirlər milli tənzimləyici qurumlar arasında əməkdaşlığın inkişaf etdirilməsi, qabaqcıl beynəlxalq təcrübənin öyrənilməsi və dərman vasitələrinin keyfiyyətinə nəzarət sahəsində peşəkar bilik və təcrübə mübadiləsinin genişləndirilməsinə xidmət edir.

Çıxışlar zamanı qeyd edildi ki, illər ərzində öz işinə böyük məsuliyyətlə yanaşan, peşəkarlığı, zəhmətsevərliyi, səmimiliyi və kollektivə sadiqliyi ilə seçilən əməkdaşlarımızın hər birinin Mərkəzin fəaliyyətində özünəməxsus yeri və rolu vardır. Onların fəaliyyəti yalnız görülən işlərlə deyil, formalaşdırdıqları zəngin təcrübə, bölüşdükləri bilik və gənc əməkdaşlara ötürdükləri peşə dəyərləri ilə də yadda qalacaq.

Bu gün təqaüdə yola saldığımız əməkdaşlarımız:

AEM-in Tibb və əczaçılıq vasitələrinin ekspertizası və keyfiyyətinə nəzarət laboratoriyasının analitiki Mələk Nəsirova 47 illik əmək fəaliyyətinin 20 ilini Mərkəzin inkişafına həsr edib.

AEM-in Təsərrüfat və təchizat şöbəsinin müdiri Bəhram Əsgərov da 46 illik ümumi əmək fəaliyyətinin son 8 ilini Mərkəzin təchizat sahəsində heç bir problem yaşamaması üçün çalışıb.

AEM-in Əməyin mühafizəsi üzrə mühəndisi Solmaz İmanova isə 52 illik ümumi əmək stajının 10 ilini Mərkəzin əməkdaşlarının gördüyü işlərin daha təhlükəsiz şəraitdə həyata keçirilməsinə həsr edib.

AEM-in Tibb və əczaçılıq vasitələrinin ekspertizası və keyfiyyətinə nəzarət laboratoriyasının daha bir əməkdaşı, yuyucu-sanitar Mətanət Babayeva 36 illik əmək fəaliyyətinin son 20 ilini Mərkəzdəki işinə sərf edib.

AEM-in Əczaçılıq müfəttişliyi şöbəsinin baş müfəttişi Rauf Əliyevin 42 illik ümumi əmək stajı var. Onun son 19 ilini R.Əliyev Mərkəz tərəfindən keçirilən yoxlamaların obyektivliyi və səmərəliliyi üçün çalışıb.

Bu insanların hər birinin uzun illər ərzində çəkdikləri zəhmət, peşələrinə bağlılığı və Mərkəzin fəaliyyətinə verdiyi töhfələr böyük hörmət və minnətdarlıqla xatırlanacaq. Çünki hər bir qurumun fəaliyyətindəki uğurun arxasında məhz belə insanların əməyi, təcrübəsi və fədakarlığı dayanır.

Əziz əməkdaşlarımız, Mərkəzin inkişafı üçün uzun illər ərzində çəkdiyiniz fədakar zəhmətə və işinizə sədaqətinizə görə hər birinizə təşəkkür edirik.

Sizə yeni həyat mərhələsində möhkəm can sağlığı, uzun ömür və xoş günlər arzulayırıq. Bundan sonrakı həyat yolunuzda doğmalarınızla birlikdə keçirdiyiniz günlər sevinc və rahatlıqla zəngin olsun. Əməyiniz, peşəkarlığınız və mərkəzin inkişafına verdiyiniz töhfələr hər zaman hörmət və minnətdarlıqla xatırlanacaq.

Qanunun tələblərinin icrası məqsədilə, 9 dekabr 2025-ci il tarixindən etibarən yaradılmış və bundan sonra yaradılacaq sertifikatlar üçün Qaydanın 2.1.4-cü yarımbəndinə əsasən 10 manat və 2.1.7-ci yarımbəndinə əsasən isə 1 manat istifadə haqqı ərizəçilərdən tutulacaq.

1. DGK və SN arasında qarşılıqlı əməkdaşlığın gücləndirilməsi və dərman və tibb vasitələrinə dair verilən icazələrin qarşılıqlı inteqrasiyası məqsədilə qurumların elektron sistemlərinə qarşılıqlı əlçatanlığın təmin edilməsi. Səhiyyə nazirinin tabe qurumlara göstərişinə əsasən, qurumların malik olduqları elektron informasiya sistemlərinə DGK-nın müvafiq struktur bölmələrinin giriş imkanının təmin edilməsi nəzərdə tutulmuşdur.
2. Dərman və tibb vasitələrinə münasibətdə yaranmış və yarana biləcək problemlərin aradan qaldırılması məqsədilə mütəxəssislərdən və aidiyyəti şəxslərdən ibarət işçi qrupların yaradılması və bu işçi qrupların qarşılıqlı fəaliyyət göstərməsi nəzərdə tutulmuşdur. Qurumların mütəxəssislərinin müvafiq sahələr üzrə təlim və seminarların keçirilməsi barəsində qarşılıqlı razılıq əldə olunmuşdur.
3. DGK və SN öz sahələri üzrə qanunvericiliyə müvafiq dəyişikliklərin edilməsi və ortaq fəaliyyət istiqamətlərinə dair normativ bazanın gücləndirilməsi üçün razılığa gəlinmişdir.

Səhiyyə Nazirliyi Analitik Ekspertiza Mərkəzinin rəhbərliyinin də iştirak etdiyi görüşdə tərəflər qarşıya qoyulmuş məqsədlərə nail olmaq üçün əməkdaşlığın daha da genişləndirilməsi və birgə fəaliyyətin əlaqələndirilməsi istiqamətində işlərin davam etdirilməsi barədə razılığa gəliblər.

BAQM(Bioloji Aktiv Qida Məhsulları)-ların qəbulu Mərkəz tərəfindən həftənin 1-ci və 4-cü günləri (bazar ertəsi və cümə axşamı) saat 15:00-dan 17:00-dək aparılır.

Əczaçılıq sənayesinin inkişafı, dərman vasitələrinin qeydiyyatı və tənzimlənməsi, innovativ texnologiyaların tətbiqi, farmakonəzarət sistemlərinin təkmilləşdirilməsi və beynəlxalq əməkdaşlığın genişləndirilməsi məsələlərinə həsr olunmuş forumda müxtəlif ölkələrdən dövlət qurumlarının, beynəlxalq təşkilatların, əczaçılıq şirkətlərinin və ekspert icmalarının nümayəndələri iştirak ediblər.

Azərbaycan Respublikasını forumda Səhiyyə Nazirliyinin Beynəlxalq əməkdaşlıq şöbəsinin baş məsləhətçisi Rəna Hüseynova, Analitik Ekspertiza Mərkəzinin Dərman vasitələrinin qeydiyyatı-ekspertizası şöbəsinin müdiri Azər Həsənov, həmçinin Farmakonəzarət şöbəsinin eksperti Rəfiqə İbrahimova təmsil ediblər.

Forum çərçivəsində dərman vasitələrinin qeydiyyatı və ekspertizası sahəsində müasir yanaşmalar, əczaçılıq bazarının tənzimlənməsi, keyfiyyət təminatı sistemləri, farmakonəzarət mexanizmləri və regional əməkdaşlıq perspektivləri üzrə müzakirələr aparılır. Tədbir iştirakçıları həmçinin qabaqcıl beynəlxalq təcrübə ilə tanış olmaq və yeni əməkdaşlıq imkanı əldə edilib.

Azərbaycan nümayəndə heyətinin forumda iştirakı ölkəmizlə Özbəkistan Respublikası və digər tərəfdaş ölkələr arasında səhiyyə və əczaçılıq sahəsində əməkdaşlığın inkişafına, təcrübə mübadiləsinin genişlənməsinə və müvafiq sahələrdə əlaqələrin möhkəmləndirilməsinə töhfə verəcəkdir.

Keçirilən yoxlamaların 131-i planlı, 3-ü plandankənar və 3-ü yoxlamadan kənar olub.

Nəticələrə əsasən, 34 aptekdə müxtəlif nöqsanlar aşkar edilib. Aşkarlanmış pozuntularla bağlı Azərbaycan Respublikasının İnzibati Xətalar Məcəlləsinin 210.1, 215.4, 221.1, 221.10, 452.1 və 452.3-cü maddələri üzrə müvafiq inzibati protokollar tərtib olunub.

Qanunvericilikdə edilən dəyişikliklərə əsasən “Dövlət rüsumlarının elektron idarəedilməsi (e-rüsum)” informasiya sistemi qurulmuşdur. Ödənişlər “Dövlət rüsumlarının elektron idarəedilməsi (e-rüsum)” informasiya sistemi vasitəsilə formalaşdırılan “e-bildiriş” əsasında ödənilməlidir. (e-rusum.maliyye.gov.az)

“Dövlət rüsumlarının elektron idarəedilməsi (e-rüsum)” informasiya sisteminin istifadəyə verilməsi ilə əlaqədar olaraq dövlət rüsumlarının Ərizəçilər tərəfindən köhnə qaydada rekvizitlər əsasında dövlət büdcəsinə ödənilməsi yol verilməzdir və yuxarıda qeyd edilən ödənişlərin icra edilməsi “e-bildiriş” əsasında həyata keçirilməlidir.

Bunun üçün ərizəçilər tərəfindən tam və dəqiq doldurulmuş Məlumat forması Mərkəzə təqdim edilir. Həmin Məlumat formasına əsasən “e-bildiriş” yaradılır.

Portalda (e-rusum.maliyye.gov.az) Mərkəz tərəfindən yaradılmış “e-bildiriş” Ərizəçilərə onların müraciəti əsasında elektron və ya kağız daşıyıcıda təqdim edilir.

Ərizəçilər İnternet Banking vasitəsilə “Hökumət Ödənişləri” hissəsində “Dövlət rüsumlarının elektron idarə edilməsi (e-rüsum) informasiya sistemi”ndə Ödənişin növü hissəsində “Sənəd nömrəsi” xanasında “e-bildiriş”in seriya və nömrəsini qeyd etməklə ödənişi həyata keçirir. Ərizəçi ödənişi həyata keçirməsi ilə bağlı ödəniş qəbzini Mərkəzə təqdim etməlidir.

Ərizəçi dövlət rüsumunu bank vasitəsilə ödəniş tapşırığı təqdim etməklə köçürdükdə, ödəniş tapşırığında “Bu ödəniş “Hökumət Ödəniş Portalı”nda “Dövlət rüsumlarının elektron idarə edilməsi (e-rüsum) informasiya sistemi”ndə Ödənişin növü hissəsində “Sənəd nömrəsi” xanasında  “e-bildiriş”in seriya və nömrəsinə əsasən ödənilməlidir.” qeydini etməlidir.

            Dövlət rüsumu ödənilməmişdən əvvəl ərizəçi tərəfindən xidmətin və ya hüquqi hərəkətin göstərilməsindən imtina edildikdə bu barədə Mərkəzi yazılı qaydada məlumatlandırmalıdır.

2020-ci il sentyabrın 27-dən noyabrın 10-dək davam edən İkinci Qarabağ müharibəsi regionda qüvvələr balansını dəyişdi. 2023-cü ilin sentyabrında isə Azərbaycan əvvəllər işğal altında olan bütün əraziləri, o cümlədən Xocalını azad etdi. Bu, tarixi ədalətin bərpası və məcburi köçkünlərin, o cümlədən xocalılıların öz doğma yurdlarına qayıtması istiqamətində mühüm addım oldu.

Fevralın 25-də, Səhiyyə Nazirliyi Analitik Ekspertiza Mərkəzinin kollektivi də, əzab və ədalətsizliyə qalib gələn xalqın sarsılmaz ruhunun və irəli getmək əzminin simvolu olan Xocalı faciəsini ehtiramla yad edib. Bununla əlaqədar olaraq, Mərkəzin akt zalında toplaşan Analitik Ekspertiza Mərkəzinin əməkdaşları bir dəqiqəlik sükutla, Xocalı faciəsində həlak olan insanların ruhunu yad etmiş, Allahdan onlara rəhmət diləmişlər. Daha sonra, Azərbaycan xalqı üçün həmrəy olmağın, öz torpağını və xalqını qorumaq üçün səyləri davam etdirməyin zəruriliyini xatırladan ağrılı Xocalı faciəsinin həqiqətlərini əks etdirən sənədli film nümayiş etdirilib.

Allah bir daha xalqımıza faciələr yaşatmasın!